Karakter ni Heath Jornales sa 'Never Say Die,' alamin
Around GMA
Around GMA
NBA: Lakers top Nuggets in OT Luka Doncic's last-second shot Orm Kornnaphat, Lingling Kwong lead Paris Fashion Week AW26 EMV P95M shabu seized, alleged drug courier nabbed in Surigao CityArticle Inside Page
Showbiz News
Alamin kung ano'ng role ni Heath Jornales sa 'Never Say Die.'
Isa si Pinoy Big Brother Celebrity Collab Edition 2.0 Kapuso Second Big Placer Heath Jornales sa upcoming celebrity guests ng GMA Prime action-drama series na Never Say Die.
Bagay na bagay si Heath sa serye dahil may kasanayan siya sa ilang martials arts tulad ng arnis, boxing, at taekwondo.
Impluwensiya ito ng tatay niyang si Michael Roy na isa ring aktor at fight director.
"He introduced martial arts to me [when I was] around five years old pero I started training at mga seven years old," kuwento ni Heath.
Looking forward daw siyang maipakita ang mga natutunan niya dito.
"Hanggang ngayon, nagte-training po kami ng tatay ko. 'Yung mga stunts, tinututuruan niya 'ko paano mahulog, paano mag-rolling kaya I can't wait to use that again on TV po," lahad niya.
Masaya din si Heath na bumalik sa trabaho pagkatapos ng stint niya sa Bahay ni Kuya.
"Ito po 'yung first ko after sa PBB po. Natutuwa po ako dahil same lang din po 'yung mga kasama ko dito. Si Raheel [Bhyria], po kasama ko po ulit," bahagi niya.
Matatandaang nakatrabaho na rin ni Heath si Raheel at pati na si Star of the New Gen Jillian Ward sa seryeng Mga Batang Riles.
"Wow, very nostalgic kasi sa Mga Batang Riles, ako, siya si Lady (Jillian). 'Tapos ngayon, ako, siya, saka si Joey (Jillian). Nakaka-excite, nae-excite ako. Kapatid ko siya dito pero doon, kapatid niya si Jillian. Ako naman [ang] kapatid niya ngayon," paliwanag ni Raheel.
Samantala, umaasa din daw si Heath na muling makaktrabaho ang mga kasamahang housemates sa PBB.
"I'm hoping po na makatrabaho ko po sila lahat. That would be super fun po," aniya.
Abangan si Heath Jornales sa action-drama series na Never Say Die, Monday to Friday, 8:50 p.m. sa GMA Prime. May same-day replay ito sa GTV tuwing 10:30 p.m.
Maaari rin itong i-livestream sa GMA Play, ang official streaming app ng GMA Network.
I-download ang GMA Play sa Apple App Store at Google Play.
Available din ito sa GMANetwork.com/GMAPlay at sa mga Android TV.
Panoorin din ang buong ulat ni Aubrey Carampel para sa 24 Oras sa video sa itaas.
MAS KILALANIN PA SI HEATH JORNALES SA GALLERY NA ITO:
