Karakter ni Miggs Cuaderno sa 'Mano Po Legacy: The Flower Sisters,' isinulat para sa kanya ni Direk Joey Reyes
Around GMA
Around GMA
SM Supermalls Celebrates DOLE’s 92nd Anniversary and Marks 30,000th Hired-On-The-Spot Milestone These hotel offerings are perfect for the holidays Tree from rubble lights hope in UP CebuArticle Inside Page
Showbiz News
Isinulat ni Direk Joey Reyes para kay Miggs Cuaderno ang role nito sa 'Mano Po Legacy: The Flower Sisters.'
Mas mature na ang role ni young Kapuso actor Miggs Cuaderno sa upcoming series na Mano Po Legacy: The Flower Sisters.
Gaganap siya dito bilang Petersen, ang rebeldeng anak ni Lily Chua na karakter naman ni Aiko Melendez.
Isinulat ni Mano Po Legacy creative head and head writer Jose Javier Reyes ang role para mismo kay Miggs.
Lubos naman ang pasasalamat ni Miggs sa tiwalang ibinigay sa kanya ni Direk Joey.
"Grabe po 'yun. Sabi ko talaga, 'Direk, thank you so much.' Ka-chat ko siya, 'idol' daw sabi niya. Sabi ko, 'Grabe, direk.' Sobrang thankful at the same time, I'm so pressured kasi," lahad ni Miggs sa isang exclusive interview ng GMANetwork.com.
"Pero 'yung pressure na 'yun isa 'yun is what keeps me going talaga. Binibigyan ako ng role na napakaganda nina Ma'am Roselle [Monteverde], Sir Joey Reyes, Sir Joey AbaCan. Pressured pero I'm really thankful. Gagalingan pa natin," dagdag pa ni Miggs.
Masaya din daw si Miggs na muling makatrabaho si Aiko. Naging bahagi si Miggs at Aiko ng 2014 Cinemalaya film na Asintado kung saan gumanap na sila bilang mag-ina. Bukod doon, co-stars din sila sa hit GMA Afternoon Prime series na Prima Donnas.
"Matagal naman na kaming magkakilala ni Tita Aiko and it's really fun na makasama siya sa mga off camera. Pero during take namin, talagang may mga sagutan kami ni Tita Aiko. Nakakapanibago na sinasagot sagot ko si Tita Aiko. Nakakatuwa and nakikita ko na sa playback na maganda naman 'yung scene, 'yung mga sagutan namin," kuwento ni Miggs.
Image Source: miggscuaderno (Instagram)
Ang Mano Po Legacy: The Flower Sisters ay tungkol sa apat na magkakapatid sa ama, ang Chua sisters, na may kanya kanyang ambisyon at pangarap na magiging sanhi ng banggaan at tunggalian sa kanila.
Bukod kina Miggs at Aiko, bahagi rin ng serye sina Beauty Gonzalez, Thea Tolentino, Angel Guardian at marami pang iba.
Mapapanood na ang Mano Po Legacy: The Flower Sisters simula October 31, 9:35 p.m. sa GMA Telebabad.
SAMANTALA, SILIPIN ANG MGA NAGANAP SA PRESS CONFERENCE NG SERYE DITO:
