Around GMA

Article Inside Page

Ang nais lamang ni Derick (Carlos Agassi) ay makatagpo ng isang babaeng kumpleto ng mga katangiang hinahanap niya: maganda, sexy, matalino at mapera!  

Ngunit dahil hindi niya ito nakikita sa iisang tao, pinagsabay-sabay na lang niya ang pakikipagrelasyon sa tatlo, kina Aica (Denise Barbacena) na matalino at masarap kausap ngunit “manang” o napakakonserbatibo, Lovely (Stephanie Sol) na maganda, sexy pero masama ang ugali, at Felicity (Cai Cortez) na mayaman, sweet and thoughtful at patay na patay sa kanya, may katabaan nga lang!   

Kaya paano na lang kung biglang dumating sa buhay ni Derick ang perfect woman na matagal na niyang pinapangarap?

Para sa sosyal na yoga instructor na si Mix (Dione Monsanto), hihiwalayan kaya niya ang tatlong babaeng matagal na nagtiyaga at umunawa sa kanya?  Paano kung magtulong-tulong sina Aica, Lovely at Felicity para pigilan ang balak niya? Ano kaya ang magiging ending nito --- nakakakilig na love story o isang malaking gulo?  

Ito ang kakaibang kuwentong aabangan niyo sa Karelasyon ngayong Sabado! Pagbibidahan nina Carlos Agassi, Stephanie Sol, Denise Barbacena, Cai Cortez,  Bryan Benedict at Dionne Monsanto.  Mula sa panulat ni James Harvey Estrada at direksyon ni Rember Gelera. 

Mapapanood ang Karelasyon kasama si Ms. Carla Abellana tuwing Sabado pagkatapos ng Ika-6 Na Utos.