Around GMA

Article Inside Page

Nagbabalik-telebisyon ang kinagiliwan at pinag-usapang GMA drama anthology na Karelasyon.

Sa November 20 episode ng Karelasyon, natunghayan ang sakripisyo ni Olive (Ana Capri).

Bilang bagong kinakasama ni Gary (Jay Manalo), nais sana ni Olive na hindi lang mas mapamahal siya sa kanyang partner, kundi mas mapalapit din siya sa anak nitong si Jonas (Sean Ross).

Itinuring ni Olive na tunay na anak ang bata at tanggap naman siya nito bilang kanyang bagong nanay. Kung tutuusin, mas higit pa nga ang pagmamahal ni Olive kay Jonas kaysa sa tunay nitong ina.

Masaya na sana ang maliit nilang pamilya hanggang sa bumalik ang tunay na ina ni Jonas at dating asawa ni Gary na si Liza (Precious Lara Quigaman).

Sino nga ba ang mas may karapatan sa dalawa: ang ina na nawala at ngayon ay nagbabalik o ang inang kasalukuyang nag-aalaga?

Naipit sa sitwasyon si Olive kaya minabuti niyang makipaghiwalay kay Gary.

Pero sa huli, nanaig pa rin ang pag-ibig nila sa isa't isa, kasunod ng pagpaparaya ni Liza.

Ang annulment ng kasal nina Liza at Gary ang nagbigay-daan para maging opisyal ang samahan nina Gary at Olive.

Sa mga nais balikan ang full episodes ng Karelasyon, pumunta lang sa GMANetwork.com o GMA Network app.