Kathryn Bernardo, bakit natakot gawin ang 'Hello, Love, Again?'
Around GMA
Around GMA
St. Luke's inhaler clinic opens to improve asthma, COPD patient care Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Ano o sino kaya ang nagpapayag kay Kathryn na gampanan muli ang karakter ni Joy para sa pelikulang 'Hello, Love, Again?'
Aminado ang aktres na si Kathryn Bernardo na noong una ay ayaw niyang gawin ang pelikulang Hello, Love, Again, ang sequel sa pelikula nila ni Alden Richards na Hello, Love, Goodbye na ipinalabas noong 2019.
Sa panayam ni Kathryn sa Fast Talk with Boy Abunda, inamin ng aktres na nag-alangan siya noong una dahil mahirap gumawa ng sequel sa isang pelikulang minahal at nagustuhan ng maraming tao.
"I'll be honest. When they told me about it early this year, I was a bit hesitant kasi, 'di ba Tito Boy, alam natin kung gaano kahirap gumawa ng sequel. And for me, I would like to leave it as it is - like Joy and Ethan, nag-end na 'yung love story nila, parang iwan na natin 'yun," pag-amin ni Kathryn.
"Fast forward to 2024 when they told me about this, parang 'yung idea pa lang, sinabi ko, 'Are you sure? Kailangan pa natin ituloy 'yung kwento nila? Parang nakakatakot siya sundan.'"
Dagdag ni Kathryn, nung ikinuwento sa kanya ang magiging takbo ng Hello, Love, Again ay nagustuhan niya na ring sagutin ang mga tanong na naiwan nina Ethan at Joy sa pagtatapos ng Hello, Love, Goodbye.
"And then, nung in-explain nila sa akin 'yung story, doon ko na-realize na there are so many questions na gusto ko bigyan ng sagot. What happened to Joy and Ethan? Nakagawa ba nila yung dreams nila?" pagpapatuloy ni Kathryn.
"Yung sa trailer na nakita niyo, anong nangyari kay Joy at Ethan? Bakit sila umabot sa ganito? Will they give second chances? What happened to Ethan in Hong Kong? What happened to Joy in Canada?
"So many questions, ang daming kailangang sagutin. That made me say yes, and when they told me Direk Cathy's going to direct it, pinayagan ulit si Tisoy despite his busy, busy schedule, parang everything fell into place.
"And I think, this is the perfect time to do it."
Ang Hello, Love, Again ang kauna-unahang film collaboration sa pagitan ng GMA Pictures at Star Cinema.
Pinagbibidahan ito nina Alden at Kathryn na muling gaganap bilang Ethan at Joy, dalawang taong nagmamahal na muling nagkita sa Canada matapos ang limang taon.
Ipapalabas ang Hello, Love, Again sa buong mundo simula November 13.
HERE'S EVERYTHING YOU NEED TO KNOW ABOUT 'HELLO, LOVE, AGAIN:'
