Around GMA

Article Inside Page

Para kay Encantadia Chronicles: Sang'gre star Kelvin Miranda, wala naman siyang ibang pwedeng gawin tungkol sa nakaraang cheating allegations laban sa kaniya kundi tanggapin na lang ito.

Matatandaan na noong 2023 ay inakusahan si Kelvin ng kaniyang ex-girlfriend na si Roselle Vytiaco ng cheating kasama ang Kapamilya actress na si Kira Balinger.

Binalikan ni King of Talk Boy Abunda sa Fast Talk with Boy Abunda nitong Huwebes, February 13, ang nakaraang cheating allegations laban kay Kelvin at tinanong kung paano niya nalampasan ito.

Ang simpleng sagot ng aktor, “Tinanggap ko lang po 'yung katotohanan sa sarili ko, Tito Boy.

“Kasi wala naman akong dapat ipaliwanag kasi alam ko 'yung totoo and hindi ko kailangan ipagtanggol 'yung sarili ko sa taong--ang hirap magsalita, e--sa taong alam niya kung hanggang saan ako at hanggang saan 'yung kaya kong ibigay,” saad ni Kelvin.

Hindi na nagbigay pa ng detalye si Kelvin tungkol sa isyu ngunit sinabi niyang naging malaking parte dito ang social media.

“Konting conflict, konting misunderstanding, kayang palakihin, kayang lumala lalo't sa samu't saring pagsasawsaw ng mga tao sa social media,” sabi ni Kelvin.

BALIKAN ANG NAGING REAKSYON NG CELEBRITIES AT PERSONALITIES SA CHEATING ALLEGATIONS NINA MARIS RACAL AT ANTHONY JENNINGS SA GALLERY NA ITO:

Samantala, dahil araw na ng mga puso, tinanong rin ng batikang host si Kevin kung meron na siyang napupusuan ngayon, na sinagot naman ng aktor ng, “May napupusuan.”

Tanong ulit ni Boy, “'Yung napupusuan mo ba ay napupusuan ka rin ba?”

Sagot ni Kelvin, “Nasa gitna, nasa gitna siguro. I mean in-e-enjoy ko lang kasi 'yung process atsaka 'yung mga priorities talaga kailangan unahin."