Around GMA

Article Inside Page

Excited na ang aktor at singer na si Khalil Ramos sa pagsasama nila ng kapwa Kapuso singer na si Anthony Rosaldo sa “SWITCH: Anthony Rosaldo Live in Concert” sa Music Museum bukas, January 31.

Ayon kay Khalil, may pagkakapareho sila ni Anthony dahil pareho silang bumida sa mga theatrical play noong 2023, bukod sa mapapanood sila sa telebisyon.

Si Anthony ay parte ng hit all-Filipino musical na Ang Huling El Bimbo samantalang si Khalil naman ay bumida sa Tick, tick...boom!

"I've been actually looking forward to this kasi kami ni Anthony, we sing rock comfortably. Nung sinabihan niya ako and in-invite niya ako to be part of his concert, sabi ko, 'Game!'" masayang balita ni Khalil nang makausap ng GMANetwork.com.

"For me, I'd love to be a part of a concert like this na rock 'yung main genre. It's something that I enjoy, kumbaga parang jamming session lang siya na masaya."

View this post on Instagram

A post shared by Anthony Rosaldo (@theanthonyrosaldo)

Masaya rin si Anthony na magkakaroon siya ng pagkakataong kumanta kasama si Khalil nang live. Nagkasama na sina Anthony at Khalil sa isang online Christmas concert noong pandemic.

Aniya, "Kahit hindi pa kami official nagkakatrabaho, mayroon na kaming na-form na relationship and I consider him my friend."

"Excited ako kasi mabait 'yan si Khalil. Actually, hindi ito 'yung first time na magge-guest siya sa show ko. I did an online show nung pandemic, it was Christmas, palipat pa lang siya ng GMA nito [pero] pinaunlakan niya agad tayo."

Bukod kay Khalil, makakasama rin ni Anthony sa kanyang first major solo concert sina Rita Daniela, Gian Magdangal, at Menchu Lauchengco-Yulo. Available pa rin ang tickets nito sa TicketWorld.