Kim De Leon sa 'My Fantastic Pag-ibig' leading lady niyang si Lexi Gonzales: "I love working with her"
Around GMA
Around GMA
DOH: 2 dead, over 260 hurt in motorcycle crashes amid Christmas 2025 rush PDLs reunite with families on Christmas Day Kavi On PlaylistArticle Inside Page
Showbiz News
“As a love team partner, I guess she's the peanut butter to my jelly,” paglalarawan ni Kim De Leon sa 'My Fantastic Pag-ibig' leading lady niyang si Lexi Gonzales.
Malapit nang mapanood ang bagong fantasy rom-com series ng GMA Public Affairs, ang My Fantastic Pag-ibig na pagbibidahan nina StarStruck alumni Kim De Leon at Lexi Gonzales.
Iba't ibang kwento ang tampok sa My Fantastic Pag-ibig at bida sa unang installment nitong “Love Wars” sina Kim at Lexi.
Tungkol ito sa isang kupido at dating app developer. Sa kwento, nangangamba ang mga kupido sa pangitain na maraming tao ang magiging broken-hearted at mawawalan ng paniniwala sa true love.
Ang itinuturo ng mga kupidong dahilan nito ay ang dating app na “MatchMaker.”
Kaya naman ang magiging misyon ni Milos/Pido (Kim) ay isabotahe ang tagumpay ng dating app. Magpapanggap siyang intern at mag-a-apply sa kumpanyang humahawak sa “MatchMaker.” Doon ay makikilala niya ang charming na developer nito na si Lovelyn (Lexi).
Panoorin ang full trailer ng My Fantastic Pag-ibig: Love Wars dito:
Samantala, nang makapanayam ng GMANetwork.com, ibinahagi ni Kim na naging magaan ang pakikipagtrabaho niya kay Lexi dahil StarStruck days pa lamang nila ay friends na sila.
“Si Lexi nakakasama ko na on-cam and off-cam. 'StarStruck pa lang we're good friends na kaya there's no awkwardness at all. Hindi ako nahirapan na makatrabaho siya,” aniya.
Biro pa ng aktor, “Sa tingin ko naman hindi siya nahirapan na makatrabaho ako, sana.”
Bukod dito, mahusay na aktres umano si Lexi at natutulungan siya nito sa mga eksena nila.
“In fact, natutulungan niya ako sa mga eksena at she's very good. Magaling siya umarte. Very professional kaya I love working with her,” dagdag pa ng StarStruck Season 7 Ultimate Male Survivor.
Dagdag pa ni Kim, “As a love team partner, I guess she's the peanut butter to my jelly. Sabi ko nga I love working with her, nakikita ko naman na kumportable na kami sa isa't isa as a love team.”
Bukod kina Kim at Lexi, kabilang din sa cast sina Rodjun Cruz, Divine Aucina, Maey Bautista, at Mike Liwag.
Mula sa direksyon ni Michael Christian Cardoz, abangan ang fantasy-romcom series na handa nang maghatid ng magic, saya, at kilig sa inyo simula January 30 sa GMA News TV.
Maaari ring mapanood ng mga Kapuso abroad ang My Fantastic Pag-ibig sa GMA Life TV simula February 6.
Kilalanin ang cast ng My Fantastic Pag-ibig sa gallery na ito:
