Kira Balinger at Charlie Fleming, suportado ang 'KiSh' love team sa 'PBB'
Around GMA
Around GMA
NBA: Heat, Hawks aim for post-Christmas turnaround Man nabbed for alleged illegal sale of firecrackers in Zamboanga City Bagong steel hanging bridge, handog ng GMA Kapuso Foundation sa Rodriguez, Rizal | 24 OrasArticle Inside Page
Showbiz News
Tila patuloy na maglalayag ang KiSh loveteam nina Kira Balinger at Josh Ford, na suportado mismo ng ka-duo ng una na si Charlie Fleming.
Suportado rin ng recently evicted housemates ng Pinoy Big Brother Celebrity Collab Edition na sina Kira Balinger at Charlie Fleming ang nabuong love team ng naunang aktres at ni Josh Ford, na tinawag na KiSh o JoKira.
Sa ekslusibong panayam ng GMA News Online kina Kira at Charlie, ibinahagi ng dalawang aktres kung alin sa mga namumuong love teams sa Bahay ni Kuya ang sinusuportahan nila.
Sagot ni Kira, “KiSh. I'm so sorry. KiSh po talaga. Loyal ako sa KiSh.”
Pag-amin ni Kira, nalaman lang niya ang tungkol sa naturang love team nang makita niya ang tungkol dito sa social media platforms, partikular sa TikTok. Pag-amin pa ng young aktres, naloka siya sa dami ng shippers nila ng naturang Kapuso actor.
“We've been on social media, we've been catching up. Ang daming ship! 'Tapos, nakikita ko on Tiktok na ang daming edits. 'Tapos, ang daming little moments na sobrang wala lang sa amin,” sabi ni Kira.
BALIKAN ANG ILAN SA MGA LOVE TEAM AT PAIRINGS NA INABANGAN NOONG 2023 SA GALLERY NA ITO:
Samantala, gaya ni Kira ay full support din ang ka-duo niya na si Charlie sa KiSh love team dahil umano sa koneksyon na nabuo ng dalawa sa loob ng Bahay ni Kuya.
“I both know them personally and I think they both found a safe space through each other and that's something that I think is really important because they both communicate a lot inside the house, and I both know that they're very sweet,” sabi ng Kapuso star.
Sa huli ay pinasalamatan ni Kira lahat ng KiSh supporters para sa suporta at tiwalang binigay nila sa kanila ni Josh.
“I'm very grateful for them. They've been making me happy since I left the house. And, I'm happy na kahit paano, Josh and I, even without us knowing, we were making them happy at the same time,” sabi ni Kira.
Hinikayat din ng Kapamilya star ang kanilang fans na patuloy na suportahan si Josh sa kaniyang journey sa loob ng Bahay ni Kuya.
Mapapanood ang hit teleserye ng totoong buhay, weekdays 10:00 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.
Maaari ring silipin ang mga kaganapan ngayon sa loob ng Big Brother house sa All-Access Livestream ng programa.
Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.
