Around GMA

Article Inside Page

Naging matagumpay ang concert na ginawa kamakailan lang ng OPM singer na si Kitchie Nadal sa Araneta Center na “New Ground: Kitchie Nadal Concert Manila.” Komento pa ng singer sa kaniyang conert, “It was Spectacular.”

Sa Fast Talk with Boy Abunda nitong Lunes, July 21, inamin ni Kitchie na noong unang ipresenta sa kaniya ang ideya ng concert sa Araneta Coliseum, inamin niyang hindi siya sigurado kung kakayanin ba niyang magtanghal doon.

“Parang sabi ko, 'Can I really do it? Araneta 'yun, parang ayoko, nakaka-intimidate 'pag sinabing Araneta,” sabi ng OPM singer.

“But when I was there ta's pagtungtong ko pa lang sa ano, okay lang pala, parang everybody was just happy, and relaxed,” pagpapatuloy ni Kitchie.

Pinansin din ni King of Talk Boy Abunda kung papaanong maraming Gen Zs ngayong ang alam ang mga kanta niya at ang iba, kinakanta pa ang mga ito.

Sagot ni Kitchie, “Siyempre nata-touch ako kasi wow, like 'Bakit alam n'yo 'yung mga songs ko?'”

Pagbabahagi pa ng “'Wag na 'Wag” singer, nagugulat siya kapag may nakikita siyang Gen Zs sa mga gigs niya at lumalapit pa sa kaniya.

“They tell me, 'You know, my mom introduced me to your music.' Like, wow. I really love it,” sabi ni Kitchie.

Itinuturing naman niya bilang pinaka-personal na kanta ang “'Wag na 'Wag” dahil sinulat niya ito matapos manggaling sa relationships kung saan ang naging pang-unawa niya sa pagmamahal ay possessive.

“'Yun pala, it has to be the other way around. Dapat freedom 'yun, it has to be free. You have to give that person the space, the freedom,” sabi ni Kitchie.

Panoorin ang panayam kay Kitchie rito:

ALAMIN KUNG ANO NGA ABA ANG NAGING BUHAY NI KITCHIE SA SPAIN SA GALLERY NA ITO: