Klea Pineda, balak sumali sa beauty pageants at pumasok sa aviation school
Around GMA
Around GMA
Iran's Revolutionary Guards say it targeted US positions in the region in response to attack Bacolod fortifies borders vs ASF Pinoy energy electrifies '&FRIENDS Festival 2026'Article Inside Page
Showbiz News
Ayon kay Klea Pineda, isa sa mga pangarap niya ang makoronahan bilang isang beauty queen.
Malaki ang pasasalamat ng aktres na si Klea Pineda dahil natupad ang kanyang pangarap na maging artista nang manalo siya sa StarStruck Season 6 noong 2015.
Sa pagre-renew ni Klea ng kontrata sa GMA Artist Center, hindi niya napigilan maging emosyonal nang magpasalamat siya sa GMA Network.
"Hindi ko talaga inaasahan ako na mabibigyan ako ng chance na maging artista dahil pangarap ko lang siya nung bata ako," pag-amin ni Klea sa report ni Aubrey Carampel sa 24 Oras.
"And ngayon, nagkakatotoo na siya, ginagawa ko na siya.
"Kaya kada show na ibinibigay sa akin, talagang ginagawa ko 'yung best ko para magawa ko nang tama."
Ngayong artista na siya, gusto namang tuparin ni Klea ang iba pa niyang pangarap tulad ng pagiging beauty queen at pagiging piloto.
Naghahanda na si Klea sa kanyang pagpasok sa aviation school pero nangako siya na sasali siya sa beauty pageant sa mga susunod na taon.
Saad niya, "Isa 'yun sa mga pangarap ko, makoronahan. Hindi pa rin siya nawawala sa pangarap ko sa buhay."
Mapapanood muli si Klea sa Stories From The Heart: Never Say Goodbye, malapit na sa GMA Afternoon Prime.
