Around GMA

Article Inside Page

Para actress Klea Pineda, posible naman talaga siyang ma-inlove kay Janella Salvador, na kaniyang co-star sa pelikulang Open Endings.

Kamakailan lang ay naging usap-usapan ang paghihiwalay ng LGBTQIA+ couple na sina Klea at Katrice Kierulf. Ang haka-haka ng netizens, ang co-star niyang si Janella ang dahilan.

Sa pagbisita nina Klea at Jasmine Curtis-Smith sa Fast Talk with Boy Abunda nitong Biyernes, October 3, iginiit ni Klea na hindi si Janella ang dahilan ng hiwalayan nila ng kaniyang dating girlfriend.

“I think nadamay lang naman 'yung pangalan ni Janella kasi nga magkasama kami sa film. And naghiwalay kami ni Katrice right after namin mag-shoot ng film,” sabi ni Klea.

Pagpapatuloy pa niya ay maraming rason ang paghihiwalay nila ni Katrice at muling iginiit na walang third party na sangkot sa kanilang hiwalayan. Sa katunayan, hindi raw niya maintindihan kung saan nakuha ng netizens ang ideya ng third party.

“'Yun 'yung pinipilit sabihin ng mga tao online, hindi ko maintindihan kung saan nila nakuha 'yun, pero mas malaki 'yung reason kung bakit kami naghiwalay kami ni Kat [at] wala doon si Janella,” sabi ni Klea.

Samantala, diretsong tinanong ni King of Talk Boy Abunda si Klea, “Si Janella ba, is she the type you would fall in love with?”

Sagot ni Klea, “Why not? Bakit hindi?”

Dagdag naman ni Jasmine, “She's so loveable, she's hilarious, napakabait. You can see she's a wonderful mom. I mean, she's really a perfect package, Tito Boy.”

Pagpapatuloy ni Klea, wala namang rason para hindi magustuhan ang kanilang co-star.

Samantala, sa pagbisita ni Janella sa parehong GMA Afternoon Prime talk show noong September 29, deretsahan din siyang tinanong ni Boy kung handa ba siyang makipagrelasyon sa kapwa babae.

“I guess the answer would have to stay with me muna. But I love who I love," sagot ni Janella.