'KMJS:' Kilalanin si Vico Sotto, ang Millennial Mayor ng Pasig
Around GMA
Around GMA
NBA: Scottie Barnes hits special triple-double, Raptors top Warriors in OT 1 dead, 1 hurt after tunnel collapses in Zamboanga del Sur Farm to Table: (December 28, 2025) LIVEArticle Inside Page
Showbiz News
Bagamat anak ng showbiz personalities, siniguro raw ni Vico Sotto na hindi mahahaluan ng showbiz ang kanyang kampanya noong nakaraang eleksyon, “I wanted to make sure that we ran an issue-based campaign.”
Labanang David versus Goliath ang pagkapanalo ni Vico Sotto bilang Mayor ng Pasig City.
Nitong eleksyon 2019, natalo ng 29-anyos na si Vico Sotto, anak nina Vic Sotto at Connie Reyes, ang incumbent Mayor ng Pasig City na si Bobby Eusebio.
Sa pagkapanalo niya bilang mayor, natapos din ang halos tatlong dekadang pamumuno ng Eusebio sa naturang lungsod.
Nakapanayam ng Kapuso Mo, Jessica Soho si Vico Sotto at ang ina nitong si Connie Reyes noong official proclamation kay Vico Sotto.
Kuwento ni Connie, “I'm very happy for him 'cause I know that's what he really worked for. That's what he really wanted.”
Bata pa lang daw nagpakita na ito ng interes sa gobyerno.
Ani ni Connie, “Basta ang alam ko lang, he has always wanted to work in government. Noong maliit pa siya. He always had an opinion about like, when he watches you or other people do mga impeachment proceedings, mga ganyan.
“He would watch closely and have an opinion and he would even write about it in a school paper as a young boy. Not just had an opinion, he always wanted to help.”
Ayon naman kay Vico, “I grew up with my mom. Siyempre, I love both of my parents pero iba 'yung laki ka sa nanay.”
Dagdag niya, “Nung bata ako, mahiyan talaga ako, hanggang ngayon naman. Pero ngayon, hindi na masyado halata kasi, siyempre, nasanay ka na rin.”
Hindi raw mapilit si Vico ng mga magulang na magpakita sa TV dahil sa hiya.
Pag-alala pa ng Pasig mayor-elect, “Pero nung bata ako, talagang umiiyak ako kapag pinipilit ako ni Mama. Pero hindi niya talaga ako mapilit.”
Hilig naman daw ni Vico ang basketball at magpatawa tulad ng ama.
Nagsilbi bilang legislative staff officer si Vico. Noong 2016, naluklok siya bilang pinakabatang konsehal ng lungsod ng Pasig.
Sa kaniyang termino, naipasa ni Vico ang FOI o Freedom of Information Bill sa Pasig.
Ito ang public disclosure ng mga pampublikong dokumento na ang layunin labanan ang korupsyon.
Tanong ni Ms. Jessica Soho kay Vico, “Paano ba bungguin ang isang pader?”
Sagot naman ni Vico, “Dapat po meron tayong hagdan.
“But you know, I think it's funny, but I'm actually serious.
“As a young politician who refuse to do things 100% the traditional politician or trapo way.
“I had to stick to my convictions and my principles and it wasn't always easy.
“Kung gusto mong bumangga sa pader, dapat may dala kang hagdan.
“And what I mean to say is we have to do things, 'yung kontra tiempo, do things in a way that they don't expect, do things in a nonconventional way.
Kuwento ni Vico, “It's sad that a lot of good people, a lot of good, young people with pure hearts and clean intentions shy away from politics because of the system.
“Pero again, kung gusto natin na gumanda 'yung sistema na 'yun, hindi tayo puwedeng mag-shy away from it.”
Nilinaw rin ni Vico na hindi niya nais na maging tungkol sa showbiz ang kanyang pagkampanya.
“I wanted to make sure that it didn't become a showbiz campaign. Because I wanted to make sure that we ran an issue-based campaign.”
Panoorin ang buong panayam ng KMJS kay Mayor Vico Sotto:
TRIVIA: Things you need to know about Pasig City Mayor-elect Vico Sotto
WATCH: What is Vic Sotto's advice to son Pasig Mayor-elect Vico Sotto?
WATCH: Bae-by Baste shares funny subtitles written by now Pasig Mayor Vico Sotto
Vic Sotto says son Vico went up against a 'thick, hard wall' in Pasig mayoral run
