Around GMA

Article Inside Page

Soon ay mapapanood na ang pinakabagong Sparkle artist na si Kobie Brown sa GMA Afternoon Prime musical drama series na Born to Shine. Gagampanan niya ang role ni JC na isang singer, at love interest ni Megan, ang karakter na ginagampanan ni Olive May.

Sa panayam sa kaniya ni Aubrey Carampel para sa 24 Oras nitong Biyernes, June 19, ipinahayag ng aktor ang kaniyang excitement sa pinakabagong acting experience bilang isang Kapuso.

"Mga four weeks ago na, I've been studying my script, through and through, tapos nagka-characterization po ako, and I'm just so happy to be back in a teleserye," sabi ni Kobie.

Dagdag pa ng aktor, "I actually do get to sing here, which is different for me. I've never done a role like this, so very excited.”

MAS KILALANIN PA SI KOBIE BROWN SA GALLERY NA ITO:

Pagbabahagi ni Kobie, naging mas magaan pa ang unang araw niya sa set dahil sa mainit na pagtanggap sa kaniya ng produksyon at kaniyang co-stars.

"First taping ko has been amazing, sobrang smooth siya. Again, ang bait ng mga staff dito, I'm so happy to be working with them, and it's just a happy set. It's been great so far," sabi ni Kobie.

Samantala, always looking forward naman ang lead star ng serye na si Zephanie sa mga bagong aktor at karakter na nakakasama nila sa serye.

"Super happy na si Kobie is gonna be a part of Born to Shine and exciting kasi 'yung storyline. Sobrang grateful lang din na talagang naglalaan sila ng time for us and I guess, naglu-look forward ako na aside du'n sa mag-play sila ng role nila, is ma-share din nila 'yung parang experience nila du'n sa journey nila as an artist du'n sa story sa Born to Shine," sabi ni Zephanie.

Pagpapatuloy pa ng aktres, looking forward siya sa iba pang guests na makakasama nila sa serye.

Panoorin ang panayam kay Kobie dito: