Around GMA

Article Inside Page

Unang beses mapabilang ni Kokoy de Santos sa isang action series kaya naman tutok siya ngayong taon sa pagte-training bilang si Kulot ng GMA Prime drama-action series na Mga Batang Riles.

Tinanong ni Tito Boy Abunda sa Fast Talk with Boy Abunda si Kokoy at ang co-star niya sa Mga Batang Riles na si Miguel Tanfelix kung ano ang goal nila ngayong 2025 sa kani-kanilang mga karera.

Sagot ni Kokoy, "Ako, Tito Boy, sobrang focused ako dito sa Mga Batang Riles kasi first time ko magkaroon ng ganitong klaseng aksyon, e, lalo pa't sa TV."

"Paglalaanan ko talaga 'yung action na mag-training, siyempre, nandyan si Sir Ronnie Ricketts, magfo-focus ako. Seseryosohin ko nang bonggang-bongga 'tong action na 'to, bonggang-bongga."

Tingnan ang post na ito sa Instagram

Isang post na ibinahagi ni GMA Drama (@gmadrama)

Sa love life kaya, ano ang goal ni Kokoy ngayong taon?

"Same-same pa rin, Tito Boy. Hindi talaga priority ngayon ang pag-ibig. Palaging nangyayari sa akin, Tito Boy, darating 'yan, minsan hindi mo inaasahan kung kailan," paliwanag ni Kokoy.

"Pero totoo 'yun, kasi laging sinasabi ng tao, darating 'yan, baka nandyan lang 'yan. Timing lang, Tito Boy."

Sa Mga Batang Riles, gagampanan ni Kokoy si Kulot, ang tech-savvy sa magkakaibigan na Kidlat (Miguel), Matos (Bruce Roeland), Sig (Raheel Bhyria), at Dags (Antonio Vinzon).

Abangan ang world premiere ng Mga Batang Riles mamayang 8:00 p.m. sa GMA Prime.

SAMANTALA, NARITO ANG PASILIP SA PILOT EPISODE NG MGA BATANG RILES: