Korean actor Bang Sung Hoon, gustong makatrabaho sina Alden Richards, Marian Rivera
Around GMA
Around GMA
South Korea's ex-president Yoon given 5-year jail term in first ruling over martial law Vendors in Aklan fall victims to fake P1,000 bills Nadine Samonte finds joy in collecting of designer figureArticle Inside Page
Showbiz News
Bakit nga ba hanga sa Pinoy actors ang Korean star na si Bang Sung-hoon?
Lubos ang paghanga ni Korean actor Bang Sung-hoon sa Filipino actors dahil sa kanilang galing, passion, at sa pagiging masipag. Sa katunayan, dalawang Kapuso actors ang gusto niyang makatrabaho, sina Marian Rivera at Alden Richards.
Sa pagbisita ni Sung Hoon, kasama ang interpreter niyang si Sharon, sa Fast Talk with Boy Abunda nitong Miyerkules, September 17, tinanong siya ni King of Talk Boy Abunda kung sinong Filipino actor ang gusto niyang makatrabaho, pag-amin ni Sung Hoon ay masaya na siyang mabigyan ng oportunidad makagawa ng project sa bansa.
“Basta mabigyan daw po siya ng opportunity, open daw po siya to work kasi narinig niya po na mga Philippine actors and actresses, very hard working, very good, very passionate,” sabi ni Sung Hoon sa tulong ni Sharon.
Nang hingan naman siya ni Boy ng pangalan ng aktor na gusto niyang makatrabaho “top of mind,” sinabi ni Sung Hoon, “ Alden [Richards] and Marian [Rivera].”
Samantala, sinabi naman ni Boy na isa si Sung Hoon sa mga sikat na Korean actors sa bansa. Ngunit pag-amin ng Korean star, sa tingin niya ay hindi siya ganoon kasikat.
“Sa tingin niya po kasi, hindi siya sobrang popular, sa tingin niya po, konti lang po, pero nagpapasalamat po siya doon,” sabi ni Sung Hoon sa tulong ni Sharon.
KILALANIN ANG KOREAN STARS NA ITINUTURING NA IKALAWANG TAHANAN ANG PILIPINAS SA GALLERY NA ITO:
