Kris Bernal at Aljur Abrenica, bakit nga ba hindi nagkatuluyan?
Around GMA
Around GMA
PBB Collab 2.0: Princess Aaliyah sets boundaries with Fred Moser, says it's 'not gonna happen inside' First look at Becky Armstrong in 'Girl from Nowhere: The Reset' Vendors in Aklan fall victims to fake P1,000 billsArticle Inside Page
Showbiz News
Sinagot na ni Kris Bernal ang pinakamalaking tanong ng marami tungkol sa relasyon nila ni Aljur Abrenica.
Muling nabuhayan ang shippers nina Kris Bernal at Aljur Abrenica noong magkita silang muli kamakailan lang. Dahil dito, muling nabuhay ang tanong ng karamihan: "Bakit nga ba hindi nagkatuluyan ang dalawang aktor?"
Sa Fast Talk with Boy Abunda nitong Biyernes, inamin ni Kris Bernal na ang pinakamalaking kasinungalingan umano ng aktres ay ang mismong love team nila ni Aljur Abrenica.
Ani Kris, “Siguro Tito Boy 'yung mga dating sweet-sweetan namin ni Aljur, 'yung kunwari kailangan, okay kami, ganiyan, 'yung kakanta kami sa mall show, sweet-sweetan kami. Tapos kunwari, 'pag tatanungin, 'Kayo ba?' hindi kami sasagot pero hindi naman talaga kami. Pero pagdating sa backstage, magkaaway kami.”
Diretsahang tanong tuloy ni King of Talk Boy Abunda, “Bakit hindi kayo nagkatuluyan?”
Sabi ni Kris, “Parang hindi kami magkasundo talaga. Hindi kami mag-jive, e, ng ugali.”
Sinubukan naman daw nina Kris at Aljur ang magkaroon ng relasyon. Ngunit ayon sa aktres, umabot lang ito ng dalawa hanggang tatlong buwan.
“Siguro na-realize namin na 'Hindi, kahit i-try natin, hindi talaga tayo nagkakasundo.' Tinry naman, baka lang. Mabilis lang, parang mga -- kasi lagi kaming magkasama, every day talaga. Siguro mga two months, three months, ganiyan. Hindi talaga kami magkaugali,” sabi ni Kris.
Matatandaan na kamakailan lang ay nagkita sina Kris at Aljur noong mag-guest siya sa TiktoClock. Kasabay nito ay nag-guest din si AJ Raval at kasamang bumisita ang boyfriend na si Aljur.
Sa pagkikitang iyon, nasagot na rin ng aktor kung bakit tila “ginoghost” niya ang dating ka-loveteam. Sa video nina Kris at Aljur na pinost sa TikTok ng GMA Network, makikitang tinatanong ni Kris si Aljur kung bakit hindi ito nagrereply sa text.
Paliwanag umano ni Aljur sa kaniya, “Hindi daw pala siya mahilig sa text. Ayaw daw niya ng nagrereply sa text or nagte-text, gusto niya, tinatawagan siya. Ako naman, ayoko ng tumatawag kasi 'pag tumatawag, humahaba 'yung usapan, ang tagal matapos. E ang daldal ni Aljur, kaya ayoko siyang tawagan. Kasi feeling ko, 'pag kinausap ko siya, 'Ang tagal matatapos nito.'”
RELATED CONTENT: IN PHOTOS: Reel to real life couples who broke up
