Kuya Kim Atienza joins Edu Manzano, Shaina Magdayao in anti-piracy fireside chat
Around GMA
Around GMA
Japan proposes record budget spending while curbing fresh debt Mga pang-noche buena at laruan, inihatid ng GMAKF sa mga nilindol bago magpasko | 24 Oras 6 PDLs in Negros Occ released on Christmas EveArticle Inside Page
Showbiz News
Binigyang-diin ni Kuya Kim Atienza ang kahalagahan ng paglaban sa piracy sa isang fireside chat.
Pinatunayan ni celebrity host Kuya Kim Atienza na karapat-dapat siyang italaga bilang pinakabagong anti-piracy ambassador matapos samahan sina Edu Manzano at Shaina Magdayao sa isang anti-piracy fireside chat. Kasama rin nila ang celebrity host na si Pia Guanio bilang moderator.
Sa Instagram ay nag-post si Kuya Kim ng ilang litrato kasama sina Edu, Shaina, at Pia. May ilang litrato rin kung saan makikita ang iba't ibang prominenteng tao sa media, kabilang na ang First Vice President of GMA International na Mr. Joseph Francia.
Sa video na pinost ni Kuya Kim, sinabi niyang isang malaking karangalan na makasama siya sa naturang fireside chat lalo na at nanganganib ang entertainment industry mula sa piracy.
“It's such a big honor and a pleasure being here today to fight something that we are nationally against. Ang ating industriya ay nanganganib at kinakailangan na magkakasama tayo dito, upang mag-survive ang industriya,” sabi niya.
Sa caption ng post ay binigyang diin rin ng celebrity host ang panganib na dulot ng piracy sa entertainment industry.
“The TV, Movie, and music industry are under direct threat. Gone are the days when one had to clandestinely purchase pirated disks. In the digital age, all it takes is a click of a button to access illegal streaming sites,” sulat ni Kuya Kim.
Pagpapatuloy pa ng celebrity host, “If this continues, these industries we all love will soon become extinct.”
Idinagdag rin ni Kuya Kim ang hashtag na #StreamResponsiblyFightPiracy na siyang adbokasiya ng GMA Network para labanan ang piracy.
BALIKAN ANG PAGLAHOK NG GMA NETWORK SA NAGANAP NA ANTI-PIRACY SYMPOSIUM NOONG 2023 SA GALLERY NA ITO:
Sa comments section, pinuri ni Pia ang sinabi ni Kuya Kim at sinabing tungkulin nila ang protektahan ang entertainment industry.
“So well-put as always Kuya Kim! We all have a duty to protect this industry that has given us and millions more a means of living,” sabi ni Pia.
Samantalang si Shaina, ipinahayag ang kanyang karangalan na labanan ang piracy kasama nina Kuya Kim at Edu.
source: kuyakim_atienza/IG
Kamakailan lang ay nanumpa si Kuya Kim bilang isa sa pinakabagong anti-piracy ambassadors. Lubos ang pasasalamat ni Kuya Kim at muling binigyang diin kung gaano nakakasama ang illegal streaming sites sa entertainment industry.
“Ang illegal streaming sites po ay napaka harmful, hindi lang sa atin kundi sa ating mga anak. Ito po ay makakasira sa ating kabataan at sa ating hanapbuhay dito sa telebisyon, sa pelikula, at sa musika,” pahayag niya.
Makakasama niya sina Pulang Araw star Barbie Forteza, Voltes V: Legacy stars Miguel Tanfelix, Ysabel Ortega, Radson Flores, Matt Lozano, at Raphael Landicho, at Lolong: Bayani ng Bayan star Ruru Madrid.
