By BEA RODRIGUEZ

 

Kung may kapangyarihan lang raw ang Kapuso star na si Kylie Padilla laban sa sitwasyon ng mag-asawang Robin Padilla at Mariel Rodriguez ay gagawa siya ng paraan. Ngunit sa ngayon, ang maaari niya lamang gawin ay ipakita ang kanyang pagmamahal at suporta.

 

READ: Mariel Rodriguez suffers another miscarriage, loses triplets 

 

Ayon sa ekslusibong panayam ng Startalk sa aktres, lubos na ikinalulungkot ng kanyang ama ang pangalawang pagkawala ng kanilang mga magiging anak.

 

“Siyempre hindi siya okay. Ang mabibigay na lang namin ng mga kapatid ko ay support at sana alam ni Papa na andito lang kami para sa kanya. Ang dami ring sinacrifice ni Papa para sa baby and wala akong power [na] baguhin ‘yung sitwasyon eh so ‘yun na lang, love and support na lang at saka nakita ko kung gaano kagusto ni Tita Mariel na magka-baby,” pagbahagi ng Buena Familia star.

 

Hindi pa raw nagsasalita ang kanyang amang si Robin at hindi rin nagtatanong ang mestiza beauty, “Niyakap ko lang siya nang matagal [dahil] hindi ako masalita na tao eh. Paparamdam ko na lang sa ‘yo. Hirap ngang tumingin sa kanya kasi ang lungkot niya eh.”