Around GMA

Article Inside Page

Dalawang taon nang hiwalay sina Kylie Verzosa at Jake Cuenca pero hindi pa rin maiwasan na ma-associate ang beauty queen sa aktor.

Sa katunayan, may bago nang nagpapatibok sa puso ng isa't isa. Karelasyon ni Jake ang kapwa niya artista na si Chie Filomeno, samantalang non-showbiz guy naman ang boyfriend ngayon ni Kylie.

Sa latest vlog ni Karen Davila, tinanong ng broadcaster si Kylie kung ano sa tingin niya ang dahilan kung bakit hindi nag-work ang kanilang relasyon ni Jake, bagay na isinapribado ng Miss International 2016 titleholder.

"That part of our lives, I would prefer to just keep it to both of us," ani Kylie.

Kahit nauwi sila sa hiwalayan, panay papuri pa rin ang beauty queen-turned-actress sa kanyang ex.

"I'm grateful for everything that happened. He's such a good person and I have nothing but good things to say about him. It's been two years now, I think."

Aminado naman si Kylie na hindi na sila nagkaroon ng komunikasyon ni Jake simula ng kanilang hiwalayan at mas mabuti na raw ito.

"We've never seen each other. We've never spoken and I think it should be like that...exes should remain exes."

Makalipas ang kanilang breakup, marami na raw ang nagbago sa buhay ngayon ni Kylie na isang businesswoman na rin. Noong Enero, inilunsad niya ang una niyang business venture na Sola, isang shapewear brand.

Nagwagi siya bilang best actress sa Distinctive International Arab Festivals Awards 2022 para sa kanyang performance sa pelikulang The Housemaid.

Bumuo rin si Kylie ng mental health organization na nag-o-offer ng free mental health counselling.

Ngayong 2024, bibida siya sa bagong pelikula na pagtatambalan nila ni Paulo Avelino na pinamagatang Elevator, na ipalalabas sa mga sinehan ngayong Abril.

Ani ng 32-year-old actress, "So many beautiful things. Life has moved on, brought me to better places. I've learned so much. I became better as a person. Mas kalmado ako, mas peaceful ako ngayon. I'm in a much better place right now. I'm so happy right now."

Kylie on keeping her relationship with non-showbiz BF private

November 2023 nang ibunyag ni Kylie na mayroon na siyang bagong boyfriend.

Kasama niya ito sa kanyang Japan trip noong Marso pero hindi niya ito pinangalanan o ipinakita ang mukha sa kanyang travel photos.

Sa panayam sa kanya ni Karen, inamin niya na choice nilang gawing pribado ang kanilang relasyon.

"We both wanna keep it private when we both agreed we want it to be that way. I come from a different industry, he comes from a different industry. He respects mine, and I respect his job. He's very supportive of everything that I do and I'm so, so happy and lucky. It' s very peaceful."

"Amazing" at "the best" kung ilarawan ni Kylie ang kanyang bagong karelasyon na nakilala niya through a common friend at nag-click daw agad sila nito.

Nasa kanyang boyfriend daw ang qualities na hinahanap niya sa isang lalaki.

Ika ni Kylie, "I am very career driven so I want someone who understands my work, who supports my work, is there for me. Someone I can just be myself with, someone that makes me happy."

Ayon pa kay Kylie, mas kalmado siya ngayong hindi showbiz ang nagpapasaya sa kanya ngayon.

"It's more peaceful. There's less pressure in the relationship. It's something I appreciate na tinatago ko lang para sa sarili ko. Yes, I'm in showbiz and so many parts of my life are exposed to the public but this is something special and ours to keep."

Kung maganda ang tatakbuhin ng kanilang relasyon, nais ni Kylie na sa simbahan din ang tuloy nito.

PInapangarap din daw niyang magkaroon ng sariling pamilya. "Of course, I would to become a mom. I wanna have kids. I used to be a preschool teacher before joining my Binibini days."

Panoorin ang buong panayam:

NARITO ANG IBA PANG HIWALAYAN SA SHOWBIZ NA GINULAT ANG MARAMI.