Around GMA

UAAP: FEU-D spoils UST's title defense opener; Ateneo, La Salle, NUNS notch wins in HS hoops
Heavy rain triggers flooding in MisOr town
Farm to Table: (January 11, 2026) LIVE

Article Inside Page

Showbiz News

Magpapahinga muna si Kyline Alcantara mula sa pag-arte.

Break muna sa acting si Kapuso star Kyline Alcantara. Nais daw kasi niyang magpahinga matapos gumawa ng mabigat at nakakapagod na proyekto.

"Ngayon, nagpapahinga muna [ako] because napakabigat po ng Beauty Empire. Sobrang proud ako sa ginawa namin. Actually ngayon, nandito, kasama ko si Ms. Ruffa (Gutierrez). I'm just so happy that I created a family there," pahayag ni Kyline nang ma-interview sa isang event ng fashion designer na si Rajo Laurel.

Kasabay ng paghahanda niya para sa mga proyekto sa susunod na taon, naglalaan daw ang aktres ng oras para sa kanyang sarili.

"Masaya ang buhay ngayon--growing, evolving every single day," lahad niya.

Masaya din daw si Kyline na muling magkaroon ng panahon para sa kanyang mga hobbies.

"Tennis, nagfa-firing din ako, nagmo-motorbike. Ginagawa ko po ulit 'yun now na I have more free time," bahagi niya.

Bukod dito, sinusubukan na rin niya ang mag-travel nang mag-isa.

Solo siyang nag-travel matapos ang trabaho sa Canada kung saan naging bahagi niya ng Sparkle World Tour noong August.

"Nag-side trip ako sa New York on my own. Ako [ang] nag-book ng flight, ako [ang] nag-book ng hotel. I felt so independent, I was just alone. I have friends there but most of the time, mag-isa lang ako, naglalakad-lakad lang ako. I wanted to get to know myself more, independently," paggunita niya.

Mahalaga daw para kay Kyline ang self-love na naibibigay na niya sa sarili niya ngayon.

"Feeling ko, buong buhay, dapat mahalin natin ang ating mga sarili," aniya.

Panoorin ang buong ulat ni Aubrey Carampel para sa 24 Oras sa video sa itaas.