Around GMA

Article Inside Page

Excited nang magbalik-primetime ang La Nueva Kontrabida na si Kyline Alcantara matapos ang tatlong taon.

Mapapanood siya sa GMA, Viu, and CreaZion Studios drama series na Beauty Empire, kung saan makakasama niya ang Kapuso Primetime Princess na si Barbie Forteza.

Ayon kay Kyline, dream come true na makatrabaho niya ang kaibigan at iniidolong si Barbie sa isang serye.

Aniya sa panayam ng GMANetwork.com, "Yung work ethic talaga namin ni Barbie I think it's really different kasi, of course, para sa 'kin mas beterana talaga si 'Barbie, idol ko s'ya. Sabi ko nga, isa sa mga pangarap ko sa buhay ay makatrabaho si Barbie 'cause I believe that she is a great actress at idol ko talaga s'ya, at sinasabi ko talaga sa kanya 'yan.

"Even sa mga past shows, magkasama kami sa All-Out Sundays, so kapag may ginagawa akong show, lagi akong nagtatanong sa kanya ng advice."

Bukod sa magkasama sila ni Barbie, espesyal ang Beauty Empire para kay Kyline dahil, aniya, ito ang biggest project na ginawa niya dahil nagsanib-pwersa ang tatlong naglalakihang produksyon para buuin ito.

Sa serye, gaganap si Kyline bilang Shari De Jesus, ang trendsetter, viral queen, at most followed beauty influencer na makakaharap ni Noreen Alfonso, karakter ni Barbie.

Sabi ni Kyline, "I always play strong and tough roles but, at the same time, may layers pa rin. I enjoy doing those kinds of characters but this character kasi yung kakaiba sa kanya, she's power-driven to the point na wala s'yang pakialam kung sino yung maaapakan n'ya."

Mapapanood ang Beauty Empire Lunes hanggang Huwebes, simula July 7, 9:35 p.m., sa GMA Prime. May delayed telecast din ito sa GTV sa oras na 11:25 p.m.

Mapapanood din ang Beauty Empire sa Viu.

Related content: Kyline Alcantara is a travel style inspiration