Around GMA

Article Inside Page

Nasa outside world na sina Lee Victor at Inigo Jose ngunit tila unstoppable ang pagsuporta at pagmamahal nila sa kanilang housemates sa Pinoy Big Brother Celebrity Collab Edition 2.0.

Related gallery: Meet the housemates of Pinoy Big Brother Celebrity Collab Edition 2.0

Sa naging panayam ng GMA Network internal press team kina Lee at Inigo, masaya nilang ini-reveal kung sino ang gusto nilang umabot sa big four sa naturang reality competition.

Unang nagbigay ng pahayag si Inigo at binanggit niya ang Sparkle stars na sina Caprice Cayetano at Heath Jornales.

Sunod naman niyang sinabi ang mga pangalan ng kanyang fellow Star Magic artists na sina Miguel Vergara at Rave Victoria.

Sabi niya matapos niyang banggitin ang kanyang big four picks, “Para sa akin po talaga 'yung mga na-mention ko are my bias.”

Ayon naman kay Lee, “Sa tingin ko magiging big four or baka maging big four ay 'yung Mom ko si Lella [Ford] and si Rave [Victoria].”

“Sa mga Kapuso naman, I have three people in my mind… Si Ashley [Sarmiento], Heath [Jornales], and Caprice [Cayetano],” pahabol niya.

Sina Lee Victor at Inigo Jose ang third pair ng housemates na lumabas mula sa Bahay Ni Kuya sa ikalawang collaboration project ng GMA at ABS-CBN.

Patuloy na tumutok sa mga kaganapan sa loob ng Bahay Ni Kuya sa Pinoy Big Brother Celebrity Collab Edition 2.0.

Mapapanood ang reality show ng live sa GMA at Kapuso Stream, weekdays, 9:40 p.m., Sabado, 6:15 p.m., at Linggo sa oras na 10:05 p.m.

Maaari ring subaybayan ang mga kaganapan sa loob ng Bahay Ni Kuya sa All-Access Livestream na mapapanood sa link na nasa ibaba.

https://www.gmanetwork.com/entertainment/videos/kapuso-stream-pinoy-big-brother-collab-edition-20-all-access-livestream/298861/

Samantala, bilang isa sa mga nakatutok sa teleserye ng totoong buhay, sino sa male at female housemates ang gusto mong maging big winner ngayong season?

Sagutan ang polls sa ibaba: