Lexi Gonzales, maraming natutunan mula sa kanyang onscreen sisters na sina Elijah Alejo at Hailey Mendes
Around GMA
Around GMA
Bicam defers DPWH budget talks, proceeds with other agencies Dawn fire razes 7 houses in Estancia, Iloilo Japanese lifestyle brand unveils limited edition 'Evangelion' merch collectionArticle Inside Page
Showbiz News
Ano kaya ang mga natutunan ni Sparkle actress Lexi Gonzales mula sa kanyang 'Underage' co-stars na sina Elijah Alejo at Hailey Mendes?
Kasalukuyang napapanood ang mga tumitinding tagpo sa coming-of-age drama series na Underage, na pinagbibidahan nina Kapuso actresses Lexi Gonzales, Elijah Alejo, at Hailey Mendes.
Gumaganap ang tatlong Sparkle stars bilang ang Serrano sisters na sina Celine (Lexi Gonzales), Carrie (Hailey Mendes), at Chynna (Elijah Alejo) sa nasabing serye.
Matapos ang ilang buwan nilang pagsasama para sa pagbuo ng Underage, maraming natutunang aral si Lexi mula sa kanyang onscreen sisters.
Kuwento ng StarStruck Season 7 First Princess sa GMANetwork.com, “From Elijah, I learned how to be resilient sa scenes kasi this is my first drama role also, other than my experience from StarStruck. Parang everything na nangyari sa Underage is really new to me and good thing na Elijah was there to help me and guide me. So 'yun 'yung natutunan ko sa kanya, how to get through every heavy scene kahit sunod-sunod pa 'yan.”
Natutunan din ni Lexi kay Hailey at pati na rin kay Elijah ang pagiging totoo sa sarili. Aniya, “With Hailey naman, I learned just how to be myself. She helped me to be more comfortable, actually both of them. They're so accepting and very warm. When I'm with them, I'm just myself.”
Hindi lamang sa telebisyon mararamdaman ang pagiging magkakapatid ng tatlong aktres dahil magkakapatid na rin ang turingan nila off-cam. Ibinahagi din ni Lexi ang mga katangian ng isang kapatid na nakita niya mula kina Elijah at Hailey.
Ayon sa Kapuso actress-singer, nakita at naramdaman niya ang pagiging sweet at maalaga ni Elijah.
“Even though I really try to be the ate to the both of them, sometimes si Elijah din 'yung naglu-look after me. Ganon 'yun e kapag may kapatid ka, kayo-kayo lang din 'yung nagtutulungan. 'Yun 'yung nakita ko kay Elijah, she's very caring. Ate rin kasi siya sa bahay nila, so she's also like that to us kapag off-screen,” ani Lexi.
Samantala, nakita naman ng aktres ang pagiging masunurin at considerate ni Hailey. Aniya, “When you tell her something, gagawin niya talaga. She's the type of sibling na very considerate.”
Patuloy na tumutok sa Underage, Lunes hanggang Biyernes, 4:05 p.m., sa GMA Afternoon Prime, Kapuso Stream, at Pinoy Hits - Channel 6 ng GMA Affordabox at GMA Now.
SILIPIN ANG KAPUSO PROFILES SHOOT NINA LEXI GONZALES, ELIJAH ALEJO, AT HAILEY MENDES SA GALLERY NA ITO:
