Around GMA

Article Inside Page

Sa kabila ng maaaksyong stunts at mga makapigil-hiningang eksena, kilig naman ang hatid ng kiss nina Emma at Galo, na ginagampanan nina Lexi Gonzales at MIguel Tanfelix, sa Taskforce Firewall.

Sa Fast Talk with Boy Abunda nitong Martes, June 30, kasama ang co-star na si Cheska Fausto, sinabi ni Lexi na wala naman naging awkwardness sa pagitan nila ni Miguel para sa naturang eksena.

“Miguel and I, walang awkwardness kasi may Running Man na kami, ang dami na naming pinagdaanan together,” sabik ni Lexi.

Matatandaan na ilang taon na rin mag-boyfriend at girlfriend sina Miguel at kapwa aktres na si Ysabel Ortega. Kaya naman, tanong ni King of Talk Boy Abunda kay Lexi, “Bumusina ka ba kay Ysabel?”

“I think naman kasi Miguel and Ysabel, they talk always so I think na-communicate naman na 'yun ni Miguel kay Ysabel. And then ako naman, on my part, may communication with her was happy siya with the scenes kasi ang ganda ng pagkakagawa,” sabi ni Lexi.

KILALANIN ANG MGA HERO NG TASKFORCE FIREWALL SA GALLERY NA ITO:

Sa pagbisita ni Ysabel, kasama si Jon Lucas, sa parehong GMA Afternoon Prime talk show noong April, sinagot na rin niya ang tanong kung papayagan ba niya ang nobyo makipag-kissing o love scene sa iba.

“Pipikit na lang ako, Tito Boy,” pabirong sagot ni Ysabel.

Pagpapatuloy pa ng aktres,” If it's something he wants to do, why not? Basta ako, may tiwala ako kay Miguel. Parang ako pa nga po 'yung mas kinakabahan sa kissing scene.”

Alam din umano ni Ysabel na susuportahan din siya ni Miguel sakaling siya naman ang magkaroon ng ganoong mga eksena.

“Actually, hindi ko pa po siya nagagawa. Never pa ako nagka-kissing scene. I'm waiting for the right material din siguro. Pero, if mayroon man, he would be supportive naman,” sabi ng aktres.