Around GMA

Residents in Bataraza, Palawan capture 14-foot saltwater crocodile
#WilmaPH continues to move slowly east of Borongan City
GMA Pinoy TV Supports OFW Empowerment at the 17th PHILSME Business Expo

Article Inside Page

Showbiz News

Mariing itinanggi ni Lindsay de Vera ang isyung nabuntis umano siya ni Dingdong Dantes, “It's not true. Walang namagitan po sa amin ni Kuya Dong.” Alamin ang buong detalye DITO:

Diretsahang itinaggi ng aktres na si Lindsay de Vera ang bali-balitang nabuntis umano siya ni Kapuso Primetime King Dingdong Dantes.

Matatandaang unang nagkatrabaho sina Lindsay at Dingdong sa 2015 series na Pari 'Koy at sa seryeng Alyas Robin Hood na umere noong 2017.

Source: gmanetwork.com, dongdantes (Instagram)

Sa panayam ni Kapuso reporter Lhar Santiago sa 24 Oras, sinabi ng aktres na nagulat siya sa biglaang pagputok ng isyu.

“Nagulat po ako because it's been a very long time since last ko po nakasama o nakatrabaho si Kuya Dong and then ngayon pumutok 'yung issue,” aniya.

Diretsahan ding siyang tinanong ng reporter kung totoo nga bang nabuntis siya ni Dingdong.

“No, hindi po 'yun totoo, Tito Lhar, 2017 I did 'Alyas Robin Hood' the last time I worked with Kuya Dong, 2018 I did 'Victor Magtanggol.'

“Kung nabuntis po ako dapat nung 'Victor Mangtanggol' pa lang nakikita na nilang lumalaki 'yung tiyan ko or may napapansin na sila sa katawan ko na kakaiba. I still did projects, I still did guestings all throughout the years.

“It's not true. Hindi po totoo. Walang namagitan po sa amin ni Kuya Dong,” mariin niyang sabi.

Aminado rin si Lindsay na naapektuhan siya ng isyu at handa siyang panagutin ang sinumang nagpapakalat ng fake news tungkol sa kanya.

“Malakas po ang loob ko to tell them, to ask them to come forth with truth if they can. Patunayan po nila na nabuntis ako ni Kuya Dong.

“Right now we're talking to our lawyers and we are speaking of possible charges that we can file to those who claim that to be true,” aniya.

Panawagan pa ni Lindsay sa mga ito, “I encourage you if you have a proof na nabuntis ako ni Kuya Dong, please come forward and we will meet each other in court.”

Matapos ang ilang proyekto sa GMA Network gaya ng Pari 'Koy, Alyas Robin Hood, The Better Woman, Encantadia, Poor Señorita, My Love From The Star at Victor Magtanggol, ay nagpahinga mula sa pagtetelebisyon si Lindsay.

Aniya, mas pinagtutuunan niya ng pansin ang pag-aaral kaysa sa career niya sa ngayon.

“I wanted to focus po on my studies because maaga po ako nag-graduate ng high school, I was 15 when I graduated.

"Since I gave some time sa career ko, sa passion ko, I wanted to also give time sa education ko. From 2018 up until now I've been spending more time sa studies ko po,” dagdag pa niya.

Binanggit din ng Filipino-British actress na hindi pa niya tuluyang tatalikuran ang showbiz.

“If the opportunity comes naman I won't say no.

"Pero for now po talaga I'm focusing on my studies, my education. I'm not getting any younger kaka-birthday lang po so, I wanna pursue my studies and at least graduate college,” aniya.

Panoorin ang buong 24 Oras report DITO.

Samantala, narito naman ang mga artistang ginulat ang publiko sa kanilang pagbubuntis: