Around GMA

Article Inside Page

Hindi malilimutan ng Kapamilya talent na si Loisa Andalio ang opportunity na makaeksena ang ilan sa Kapuso stars Metro Manila Film Festival 2025 entry na Shake, Rattle & Roll: Evil Origins.

Bibida sa much-awaited horror movie sina Carla Abellana, Manilyn Reynes, Ysabel Ortega, at Ashley Ortega. Kabilang din sina Dustin Yu at Elijah Alejo sa star-studded cast ng pelikula ng Regal Entertainment.

Sa guest appearance ni Loisa sa podcast na Think, Talk, Tea, umamin ito na na-starstruck siya nang makaeksena ang Kapuso Primetime goddess na si Carla.

Kuwento ng Kapamilya actress, “Sobrang nakaka-starstruck talaga, kasi Rosalinda pa lang talaga pinapanood ko na talaga siya. Sobrang ganda niya. 'Tapos, kapatid ko pa siya dito. Sabi ko, magkahulma ba?”

Gumaganap si Carla bilang Clara sa Shake, Rattle & Roll.

Binalikan din ni Loisa ang ilang funny moments kasama si Carla niya. Kuwento pa nito, “Kasi sounds like, e, dun ako nalilito minsan. Kasi nga [kapag] nag-usap kami Ate Carla, pagka-eksena Ate Clara naman tawag ko sa kaniya.”

Related gallery: Kapuso and Kapamilya on-screen team-ups

Dahil isang big collaboration ang Shake, Rattle & Roll: Evil Origins, natuwa rin si Loisa Andalio na makaeksena ang ilan pang GMA artists.

“Halos lahat sila first-time, si Miss Janice [de Belen] lang 'yung hindi dahil nagkakasama na kami sa mga teleserye ganiyan," sabi niya.

Dagdag pa niya, “So nakakatuwa na maka-meet ng mga minsan nga taga kabila, 'di ba, mga taga kabila 'yung tawag sa mga taga-GMA. Masaya naman, pero siyempre bitin 'yung eight shooting days namin para siyempre magkakakilala, parang, bitin talaga siyempre hindi ka naman magkakapagchikahan, kasi may eksena kayo kukunan na mabigat mamaya.”

Related gallery: Carla Abellana, Ashley Ortega, Ysabel Ortega attend 'Shake, Rattle & Roll' storycon