Around GMA

Article Inside Page

Humingi ng tawad si showbiz columnist Lolit Solis kina Jinkee Pacquiao at Heaven Peralejo dahil sa paglawak ng isyu tungkol sa diumanong paghiram ng nahuli kay Jinkee ng PhP 100,000.

Paliwanag ni Lolit sa Instagram, nagsimula ang lahat nang mabasa niya ang isang blind item sa Fashion Pulis ukol dito.

“Nagtanong-tanong hanggang may nagsabi na si Heaven at Mama Jinkee Pacquiao ang nasa blind item. Inilagay ko sa Instagram at inamin ko na narinig ko lang ang bulung-bulungan tungkol dito.”

Sa tulong ng manager ng young actress na si Ogie Diaz, naliwanagan ang TV personality na walang katotohanan ang narinig niyang tsismis.

Bitiw niya, “Kaya ni Heaven magkaroon ng PhP 100K at hindi kailangan ng tulong ng iba. So maliwanag na ang lahat.

“Nag-text si Mama Jinkee Pacquiao na hindi totoo ang balitang iyon, so tanggap ko na mali nga ang mga balita.”

Dahil dito, lubos ang paghingi ng tawad ni Lolit kina Heaven, Jinkee, at sa anak nito na si Jimuel Pacquiao.

Wika niya, “Sila Mama Jinkee at Jimuel nasali pa sa gulo kaya nahiya ako. Kay Heaven at sa nanay niya na nagsabi na 73 years old na ako bakit pa ako nagbabalita ng ganito, tama ka.

“Mommy, dapat nga siguro na 'pag may blind item pabayaan ko na. Sa nagawa ko, sorry at ewan ko kung bakit malaking issue ang PhP 100K na kung iisipin ay barya lang sa mga involved.

“So sorry Heaven at mommy. Sana hindi maging hell ang buhay ko sa PhP 100K na iyan.”

“Hindi totoo na humiram o bingyan ni Jinkee Pacquiao si Heaven Peralejo kaya sana maayos na ang lahat.”

Basahin ang buong pahayag ni Lolit:

View this post on Instagram

Sobra talaga sa bait si Mama Jinkee Pacquiao, Salve. Akala ko naman dahil na blind item na iyon issue ni Heaven Peralejo kay Fashion Police, balewala na kung ilagay ko sa IG. Masyadong na-bother si Mama Jinkee dahil sa negative reaction ng iba sa ibinigay niyang tulong na 100K kay Heaven kaya gusto niya na alisin ko ang post ko tungkol dito. Never ako nagbura ng post kasi nga pinapanindigan ko ang bawat sabihin ko. Gusto ko lang purihin iyon kabaitan ni Mama Jinkee na agad tumulong kay Heaven kahit pa nga kay Champ Manny siya nag text para magpatulong. Wala naman masama humingi ng tulong, lalong maganda naman iyon gesture na nagbigay tulong ka. Siguro nga kaya lang naging negative dahil narin sa pagpapakita ni Heaven sa social media ng kanyang lifestyle, iyon ang naging reaction ng mga tao. Kung hindi naman siguro akala ng tao Ok siya financially hindi sila magugulat na humihingi siya ng tulong. So sorry na ganuon pala karami ang nagri react sa IG ko, kalokah talaga. So sorry, sa naging reaction ng marami. #classiclolita #takeitperminutemeganun #73naako

A post shared by LolitSolisOfficial (@akosilolitsolis) on Sep 12, 2020 at 5:51pm PDT

Sa kanyang Instagram Story, nilinaw rin ni Jinkee Pacquiao na walang katotohanan ang paghingi ng ayuda ni Heaven sa kanya.

Sulat ni Jinkee, “Gusto ko lang pong sabihin sa lahat about sa issue na lumalabas na nanghingi raw si Heaven ng pera sa amin ay hindi po totoo! Hindi po siya nanghingi at wala po kaming binigay na pera.

“Tigilan na po ang pambabash sa kanila na wala pong katotohanan!

“Be at peace with everyone! Love one another! God bless us all. @heavenperalejo stay safe and stay beautiful.”

Ni-repost ni Heaven ang pahayag ni Jinkee at sinabing, “I appreciate this Tita.”