LOOK: Gardo Versoza, muling mapapanood sa 'Kambal, Karibal' sa pagtatapos ng serye
Around GMA
Around GMA
Michael Sager earns praise for hosting skills in MMFF Gabi ng Parangal OVP staff hold breakfast gathering in Manaoag Remembering icons and notable personalities we lost in 2025Article Inside Page
Showbiz News
Abangan ang pagbabalik ni Gardo Versoza sa pagtatapos ng 'Kambal, Karibal.'
Muling mapapanood si Gardo Versoza sa hit teleseryeng Kambal, Karibal para sa pagtatapos nito na nakatakda bukas, August 3.
Ginampanan niya ang karakter ni Noli na siyang tumayong ama nina Crisan (Bianca Umali) at Crisel (Pauline Mendoza) noong sila ay mga bata pa lamang.
Ibinahagi niya sa kanyang Instagram account ang ilang behind-the-scenes photos na kuha mula sa kanyang taping kasama ang mga aktres na sina Bianca Umali at Pauline Mendoza.
"'Wag pong bibitiw, mga cupcakes, sa nalalapit na pagtatapos ng #KAMBALKARIBAL. ️️️Salamat mga, anak ko," sulat niya.
Maaalalang maraming humanga sa kanyang ipinamalas na galing sa pag-arte sa serye tulad nina Carla Abellana, Pauleen Luna at Mikee Quintos.
Hindi naman dapat malungkot ang mga fans ni Gardo sa pagtatapos ng Kambal, Karibal dahil muli siyang mapapanood sa primetime. Kabilang siya sa drama series na Onanay na mapapanood na simula Lunes, August 6, pagkatapos ng Victor Magtanggol.
