LOOK: K Brosas, may pasilip sa ipinagagawang bahay
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
K Brosas, aminadong kasalanan niya kung bakit hindi agad nakapagpatayo ng sariling bahay, “Kasalanan ko 'yon kasi…”
"Konti na lang po.”
Ito ang sinabi ng comedy actress-singer na si K Brosas nang ipakita niya sa kaniyang Instagram followers ang bahay na kasalukuyan niyang ipinagagawa.
Bago pa man siya makuwestiyon ng netizen, sinagot na ni K Brosas kung bakit tila natagalan ang pagpapagawa niya ng sariling bahay.
Halos dalawang dekada na rin sa showbiz ang komedyante, ngunit aminado siya na kaya hindi agad nakapagpagawa ng bahay ay dahil, “Naging pabaya ako sa pera at nagtiwala ako sa mga maling tao.”
Bukod dito, iniiwasan din daw niya kasi ang umutang para lang masimulan ito.
Sabi ni K Brosas sa kaniyang Instagram post, “Plus na ondoy kami.. [N]ow looking back, hindi ko nagawa to before kc ayaw kong umutang.. mag loan, gusto ko handa nako financially.. (although walang prob kung Yun ang kaya NG iba.. ako lang naman to hehe) kaya now ko lang napa gawa ang simpleng bahay na pangarap ko..”
Sa pangyayaring ito, isang aral ang ibinahagi ni K Brosas sa kaniyang followers: “Wala pong “deadline” ang pangarap o kung ano man gusto nyo makamit SA buhay... we are never too old to have new goals and dreams. Wag atat..”
Dagdag pa niya, “Salamat Lord SA mga blessings at SA mga labada pa more.. konti na lang po.. at Masasabi ko na At last na May bahay ako na sarili, doesn't matter gaano katagal ang hinantay ko... kaya naman.. Mula SA akin, Sana wag kayong magmadali.. mag ipon, mag sipag.. wag pabayaan pera nyong pinagpaguran.. at walang age limit ang pag sunod SA mga pangarap nyo, kahit dahan dahan lang, I Thank you!”
Sa ngayon, masayang hinihintay ng comedy actress ang pagbuo ng bagong bahay na titirahan nila ng kaniyang unica hija na si Crystal.
Biro pa niya, “Hindi po sha mansion kc kami lang naman NG ANak ang makikinabang sa bahay na to..well.. may nxt Time pa naman hehe…”
Pagkatapos nito, may kasunod ng project si K Brosas, “Beach house ang pangarap ko, si Lord na bahala don..”
