Lotlot de Leon at Ramon Christopher, masaya sa reunion nila sa 'The Write One'
Around GMA
Around GMA
More airport passengers recorded during holidays in 2025 vs. 2024 – MIAA GMA Kapuso Foundation, naghatid ng tulong sa 8,000 nasalanta ng Bagyong Tino sa Dinagat Islands | 24 Oras These hotel offerings are perfect for the holidaysArticle Inside Page
Showbiz News
Masaya sina Lotlot de Leon at Ramon Christopher, pati na ang kanilang mga anak, sa reunion nila sa 'The Write One.'
Reunited ang former love team at former spouses na sina Lotlot de Leon at Ramon Christopher sa upcoming romance drama series with a touch of fantasy na The Write One.
Matatandaang pareho silang naging bahagi ng cast ng award-winning indie film na That Boy in the Dark ni Adolf Alix Jr. pero hindi sila magkapares doon.
Sa The Write One, gaganap sila bilang mga magulang ni Liam, ang karakter ni Kapuso Action Drama Prince Ruru Madrid.
Masaya si Ramon Christopher o kilala rin sa palayaw na Monching na muling magkatrabaho si Lotlot, lalo na at na-impress siya sa kuwento ng serye.
"Masaya naman talaga 'ko, very happy to be working with Lot again. Napakaganda ng project talaga," pahayag ni Ramon Christopher sa media conference at pilot screening ng serye.
"Noong una siyempre medyo ninenerbiyos ako kasi nga matagal kaming hindi nagwo-work so baka hindi na sanay. Eh noong araw pa, award-winning talaga 'yan," dagdag na papuri niya sa co-star.
Bukod sa kanilang dalawa, napasaya rin daw nila ang kanilang mga anak sa kanilang reunion project. May apat na anak sina Lotlot at Monching--sina Janine, Jessica, Diego, at Maxine.
"Everything was smooth and prior to this project naman, we have four children in between us. We never had a problem. This is actually a blessing. Masayang masaya lahat ng anak namin that were together in this project," lahad ni Lotlot.
Tulad ni Monching, napahanga rin daw siya sa kuwento ng The Write One.
"It's always a blessing to have a project, but it's a total blessing if you're working with the right people and kung maganda 'yung outcome noong project. When this was presented to me and I heard about he story, I said, 'Why not.' And then they said Mon was going to be there, and then I said, 'Why not.' It's been 20 years this year since we've done anything together on screen," kuwento ng aktres.
Ang The Write One ay kuwento ng isang frustrated television writer na mabibigyan ng pagkakataon na literal mabago ang kaniyang buhay sa pamamagitan ng isang antique typewriter.
Pagbibidahan ito nina Kapuso stars at real life couple na sina Ruru Madrid at Bianca Umali, kasama ang mga kaibigan at kapwa Kapuso couple na sina Mikee Quintos at Paul Salas.
Abangan ang reunion nina Lotlot de Leon at Ramon Christopher sa world premiere ng The Write One sa March 20, 9:35 p.m. sa GMA, I Heart Movies at Pinoy Hits. May same-day replay rin ito sa GTV, 11:30 p.m. Maaari rin itong i-stream, anytime, anywhere sa www.viu.com simula March 18.
SAMANTALA, SILIPIN ANG MEDIA CONFERENCE AT PILOT SCREENING NG THE WRITE ONE DITO:
