Around GMA

Article Inside Page

Isang pagkilala ang tinanggap ni Direk Louie Ignacio mula sa 44th FANTASPORTO Porto International Film Festival para sa pelikulang Papa Mascot.

Kinilala ang Papa Mascot bilang Fantasporto Critics Award winner.

PHOTO SOURCE: @direklouieignacio

Ayon sa Wide International Film Productions, "Fantasporto, also known as Fantas, is an international film festival, annually organized since 1981 in Porto, Portugal. A prestigious award-giving body, following the international film critic standards."

Nag-congratulate si Direk Louie sa mga nakasama niya sa pelikula sa kaniyang Instagram post. Ani Direk Louie, "Congratulations Team PAPA MASCOT 👏👏👏👏 Fantasporto International Film Festival PREMIO DE CRITICA/ Critics Award Winner"

Mapapanood naman sa kaniyang post ang pagpapasalamat ni Direk Louie sa mga bumubuo ng 44th FANTASPORTO Porto International Film Festival. Pinasalamatan din ng award-winning director ang mga kasama sa pelikula.

"Thank you for loving my film. Congratulations to my team, Papa Mascot team, and the Wide International Film Productions. Mabuhay po ang Pilipinas."

Tingnan ang post na ito sa Instagram

Isang post na ibinahagi ni Louie Ignacio (@direklouieignacio)

Ang Papa Mascot ay umikot sa kuwento ni Nico (Ken Chan) na nakabuo ng father-daughter relationship sa kaniyang abductee na si Nicole (Erin Rose Espiritu). Isinulat ni Ralston Jover ang Papa Mascot at sumailalim ito sa direksyon ni Direk Louie. Bukod sa pagiging direktor sa pelikulang Papa Mascot, Si Direk Louie ay ang direktor din ng ilang Kapuso shows tulad ng Sarap, 'Di Ba? at TiktoClock.

RELATED GALLERY: At the red carpet premiere of Ken Chan's first solo film 'Papa Mascot'

Nag-post na rin ang lead star ng Papa Mascot na si Ken Chan sa kaniyang Instagram account ng kaniyang pagbati para sa mga nakasama sa pagbuo ng pelikula.

Ani Ken, "PAPA MASCOT WINS A MAJOR AWARD IN PORTUGAL 🏆"

Tingnan ang post na ito sa Instagram

Isang post na ibinahagi ni Ken Chan (@akosikenchan)

Congratulations!