Around GMA

Article Inside Page

Alam n'yo na ba na mayroong makulay na istorya sa likod ng pag-iibigan ng respetadong mamamahayag na si Mike Enriquez at ng kanyang asawang si Baby?

Nagsisimula pa lamang noon sa pagiging DJ si Mike na kilala pa bilang “Big Mike” nang makilala niya ang avid listener niyang si Lizabeth “Baby” Yumping.

Simula noon, naging malapit ang loob nina Mike at Baby sa isa't isa dahil sa madalas nilang pag-uusap. Lagi kasing nagre-request si Baby ng mga kanta sa radio program ni Mike.

Kinalaunan, naging magkarelasyon sina Mike at Baby pero may isang tao humadlang dito: ang ina ni Baby.

Dahil hindi boto ang nanay ni Baby kay Mike, pinakausap niya si Mike sa lola ni Baby upang tumigil na ang binata sa pakikipagrelasyon sa apo nito.

Subalit, imbis na panghinaan ng loob, lalo pang ipinaglaban ni Mike ang kanilang relasyon dahil nakasundo niya ang lola ni Baby.

Ngayong mahigit 40 years na silang kasal, ano kaya ang naging sikreto nila sa mahabang pagmamahal na sinubok ng panahon at mga problema?

Balikan ang pag-iibigan nina Mike at Baby Enriquez, na binigyang buhay nina Ramon Bautista at Jennylyn Mercado sa Wagas, ngayong February 8, pagkatapos ng All-Out Sundays.

Ginampanan nina Ramon Bautista at Jennylyn Mercado ang mag-asawang Mike at Baby Enriquez nang itinampok ang kanilang pag-iibigan sa 'Wagas' noong 2013. / Wagas (FB)