Around GMA

Balitanghali Livestream: April 7, 2026
GMA Radio Stations Reinforce Dominance of Mega Manila Airwaves for March 2026
Quake jolts Bogo City anew; Schools suspend in-person classes

Article Inside Page

Showbiz News

Ayon kay Luis Hontiveros, sinuwerte siya nang maging isang ganap siyang Kapuso.

Nagpapasalamat si Luis Hontiveros sa oportunidad na ibinigay sa kanya ng GMA Network.

Nitong July, pumirma si Luis bilang bagong talent ng GMA Artist Center. Bukod sa pagiging aktor at model, si Luis ay sumikat online noong 2016 elections dahil napag-alaman ng mga netizen na pamangkin siya ni Senator Risa Hontiveros.

Photo credit: luishontiveros7

Sa kanyang pagsabak sa online dating game show na E-Date Mo Si Idol, ikinuwento ni Luis sa host nitong si Pekto Nacua na nagpapasalamat siya na parte siya ng Kapuso Network.

"I am very grateful and very happy Kuya Pekto na naging Kapuso na tayo at nabigyan tayo ng oportunidad sa gitna ng pandemya."

Dugtong pa ni Luis, "Iba 'yung suwerte na nararamdaman ko so I am very grateful for that opportunity."

Ibinahagi naman ni Luis na ngayong quarantine period ay nagwo-work from home muna siya at sumailalim na rin siya sa isang acting workshop.

"Work mostly, work from home; mga zoom meetings. Kanina may acting workshop tayo siyempre under sa GMA Network."

Para sa aktor, importante na ipagpatuloy umano ang paghasa ng talento para laging handa sa anumang proyektong ibigay sa kanya.

"Kailangan pinaghuhusayan, nag-aaral tayo, para handa 'pag bumalik na tayo sa projects natin 'pag nagsimula na ulit."

Napanood kamakailan lang si Luis sa ilang programa tulad ng Mars Pa More at GMA Artist Center online show na In the Limelight.

Kapuso Showbiz News: Luis Hontiveros, maayos na nagpaalam sa dating network bago maging Kapuso

EXCLUSIVE: Luis Hontiveros asked Rocco Nacino, Gil Cuerva for advice before transferring to GMA-7