Around GMA

Article Inside Page

Naging emosyonal ang singer na si Maegan Aguilar nang balikan ang pagpanaw ng kaniyang amang OPM legend na si Freddie Aguilar sa episode ng Fast Talk with Boy Abunda noong Biyernes, July 24.

Matatandaan na pumanaw si Freddie noong May 27, 2025 at ayon kay Maegan, hindi na niya ito naabutan nang buhay dahil nasa loob pa siya noon ng rehabilitation center.

Hindi man nakapag-usap nang personal, nakapagpadala pa umano ng sulat si Maegan sa kaniyang ama bago ito pumanaw.

“I wrote him a letter after his birthday. It wasn't a simple thank you and sorry; it was 'Tay, sobrang mahal n'yo pala ako the whole time. The whole time na hinayaan n'yo akong magkandaletse-letse ang buhay ko, kasi nagtiwala kayo, e, na kakayanin ko,” sabi ni Maegan.

Pagpapatuloy niya, “Nagtiwala kayo na I would find the right way and without you saying it, that means ganu'n mo 'ko kamahal, ganu'n kalaki ang tiwala mo sa 'kin.' I just don't have my letter now, but it's still in my envelope, in rehab.”

Kaugnay nito, inilahad din ni Maegan kung paano siya naging palaboy pagkatapos niyang magbalik sa ipinagbabawal na gamot. Ang masaklap pa umano dito, nasa labas lang siya ng subdivision kung saan siya nakatira noon kasama ang amang si Freddie.

“Tatay wouldn't budge. He's like, 'You know what? Fix it. Ayusin mo. You don't even know how long I still have. Ayusin mo,'” pag-alala ni Maegan.

Aminado naman ang singer na noong una, hindi niya naintindihan ang sinabi ng ama.

BALIKAN ANG BUHAY AY MUSIKA NI FREDDIE AGUILAR SA GALLERY NA ITO:

Ayon kay Maegan, nakatanggap pa siya ng video greeting mula sa kanyang ama noong April 9, 2025. At para sa singer, doon pa lang sa video, nalaman na dapat niya na may pinagdadaanan ang ama.

“And the way he looked there... I guess I should've felt, kasi parang ang liwanag ng itsura niya dun, e. Parang ang liwanag, para siyang anghel. And he had this smile; he had this aliwalas in his face, 'Anak, so happy, I love you so much. Paglabas mo, US Tour tayo,' ganiyan,” pag-aala ni Maegan.

Ngunit ang pinaplanong US Tour, hindi na natuloy dahil May pa lang noong taon ding iyon ay pumanaw na si Freddie.

“Ang masakit, nasa loob ako, so I can't even go out for it,” sabi ni Maegan.

“For good reason, kasi talagang recipe for relapse, recipe for hysterics and everything. And of course, at that moment, family was also fighting. Ganun naman talaga, 'di ba, when someone dies? Ang gulo. Magulo. They only allowed me a week after, and I was just allowed one hour lang, with escort,” sabi ni Maegan.

Pagbabahagi pa ng singer, “Nami-miss ko siya. Pero kasi si Tatay, he's never really the type of father na he wants to be surrounded with us every day. It's just how he was. We're used to it, but what he never stopped doing for me is to impart strength and knowledge. He made me hard to face my own monsters, to face my mistakes.”

Panoorin ang panayam kay Maegan dito: