Article Inside Page
Showbiz News
Ngayong Sabado sa Magpakailanman, ating alamin ang mga pinagdaanan ni Louise delos Reyes bago natin siya nakilala bilang Adana, bilang Elize, at bilang Marilyn.
Bata pa lamang si Mary Grace Perido, alam na niya nang gusto niyang maging isang sikat na artista. At hindi man ito gusto ng ama, pinili pa rin ng mga magulang niya na ibigay ang hiling ng kanilang unica hija.
Dahil sa kaniyang angkin na talento, hindi nagtagal ay nakamit rin niya ang kaniyang inaasam na kasikatan. Nakilala siya bilang si Louise delos Reyes.
Bukod sa kaniyang galing sa pag-arte, nakuha rin agad ni Louise ang loob ng kaniyang mga taga-suporta dahil sa kaniyang masayahing disposisyon sa buhay. Pero lingid sa kaalaman ng kaniyang fans, may ilang hinanakit na itinago si Louise mula sa kanila.
Ngayong Sabado sa
Magpakailanman, ating alamin ang mga pinagdaanan ni Louise bago natin siya nakilala bilang Adana, bilang Elize, at bilang Marilyn.
Mula sa script ni Vienuel Ello, based sa research ni Jonathan Cruz, at sa ilalim ng masusing direksyon ni Direk Gil Tejada, Jr., aming ikukuwento ang isang mala-Koreanovelang love story sa pagitan ni Louise at ng unang lalaking inibig niya, at ang kuwento ng mga magulang na gagawin ang lahat 'wag lang masaktan ang kanilang pinakamamahal na anak.
Kasama ni Louise delos Reyes sa pagsasadula ng kaniyang buhay sina Jomari Yllana, Jan Marini at Ken Chan; kabilang rin sa episode sina Yassi Pressman, Rox Montealegre, at ang Down to Mars.
Hosted by Mel Tiangco,
Magpakailanman airs Saturday nights--pagkatapos ng
Vampire ang Daddy Ko.
