
Tuloy ang paghahanap ni Miss Chin Chin (Gladys Reyes) sa kanyang nawawalang anak na lalaki. Isa kaya kina Josh (Josh Ford), Anton (Anton Vinzon), o Shan (Shan Vesagas) ang hinahanap na prinsipe ng MAKA?
Sa teaser na inilabas ng MAKA para sa ika-22 episode nito na "The Lost Prince," si Miss Chin Chin na ang bagong may-ari ng MAKA Academy.
Unti-unti na ring nalalaman ni Miss Chin Chin ang mga impormasyon tungkol kina Josh, Anton, at Shan, na pinaghihinalaan niyang maaaring nawawalang anak niya.
At para makasiguro kung isa nga ba sa MAKA boys ang hinahanap niyang anak, idadaan na niya ito sa DNA test.
Sino kaya ang nawawalang prinsipe ng MAKA?
Samantala, hindi pa rin maiwasan na magkainitan sina Josh at Anton dahil kay Zeph (Zephanie).
Abangan 'yan sa MAKA ngayong Sabado, July 12, 4:45 p.m. sa GMA.
SAMANTALA, MAS KILALANIN SI ANTON VINZON SA GALLERY NA ITO: