Around GMA

Article Inside Page

Ngayong 2020, handog ng GMA Public Affairs ang edu-tainment program na Makulay Ang Buhay kung saan tampok ang celebrity mom na si Camille Prats bilang 'Mom C' kasama ang kanyang puppet friends na sina Benjie at Penpen.

Sa ika-lima nitong episode, pinag-usapan nila ang kahalagahan ng pagkain ng glow foods, kasama si Buboy Villar.

Isa riyan ang carrot na mayaman sa beta carotene at Vitamin A.

Ang Vitamin A ay tumutulong para mas maging malakas ang resistensya at para makaiwas sa iba't ibang sakit gaya night blindess, infections, at ilang klase ng cancer. Nakakatulong din ito para mapaganda ang balat.

Kaya naman nagluto ng almusal si Mom C na may halong carrot na tiyak na magugustuhan ng Team Bahay kids--ang sopas.

Bukod sa carrot, mayaman din sa vitamins at minerals ang repolyo at saging na tumutulong para mag-function nang maayos ang ating katawan.

Panoorin ang full episode ng Makulay Ang Buhay sa itaas para malaman ang iba pang benefits ng pagkain ng glow foods.

Siguraduhing gumising nang maaga para samahan sina 'Mom C' Camille, Benjie, at Penpen sa kanilang fun-filled adventure tuwing Martes, 9:30 a.m, sa Makulay Ang Buhay.

Kung ma-miss n'yo man ang episode, huwag kayong mag-alala dahil may replay ang programa tuwing Sabado, 9:45 a.m.