Marco Masa, second Kapuso Big Jump challenger sa PBB 2.0
Around GMA
Around GMA
Signal No. 1 still up over 32 areas as Basyang weakens into tropical depression Siquijor, Bohol suspend work in government offices BTS unveils a new version of their light stickArticle Inside Page
Showbiz News
Si Marco Masa ang makakaharap ni Caprice Cayetano sa Big Jump challenge sa 'Pinoy Big Brother Celebrity Collab Edition 2.0.'
Si Marco Masa ang pinakabagong housemate na nakakuha ng Big Ticket para sa Big Jump challenge.
Inanunsyo ni Kuya ang pagkapanalo ni Marco sa naganap na Kapuso Elimination challenge sa episode ng Pinoy Big Brother Celebrity Collab Edition 2.0 na ipinalabas nitong Huwebes ng gabi, February 5.
Related gallery: Meet the housemates of Pinoy Big Brother Celebrity Collab Edition 2.0
Ang nabanggit na male Kapuso housemate ang pinakamatulin na nakatapos sa sunud-sunod na hamon mula kay Big Brother.
Siya ang unang nakapag-unlock sa kandado matapos niyang mabilis na na-solve ang isang Mathematics problem at sinundan naman ito ng matagumpay niyang pag-aayos sa blocks base sa mga kulay nito.
Samantala, ang Kapuso housemate na si Caprice Cayetano ang makakaharap ni Marco sa paparating na Big Jump challenge.
Bukod sa kanila, mayroon na ring Big Tickets para sa Big Jump ang Kapamilya housemates na sina Lella Ford at Joaquin Arce.
Sino kaya sa Kabataang Pinoy housemates ang mapapabilang sa Ultimate 8?
Huwag palampasin ang mga kaganapan sa loob ng Bahay Ni Kuya sa Pinoy Big Brother Celebrity Collab Edition 2.0.
Mapapanood ang reality show ng live sa GMA at Kapuso Stream, weekdays, 9:40 p.m. at 6:15 p.m. naman tuwing Sabado at Linggo.
Maaari ring subaybayan ang mga kaganapan sa loob ng Bahay Ni Kuya sa All-Access Livestream na mapapanood sa link na nasa ibaba.
