Around GMA

Article Inside Page

Magko-compete sa isang international television and movie film festival ang hit historical portal fantasy series na Maria Clara at Ibarra.

Pasok ang programa sa shortlist ng New York Festivals TV & Film Awards para sa taong 2023 sa ilalim ng kategoryang Entertainment Program: Drama.

Masaya itong ibinalita ni Maria Clara at Ibarra concept creator and head writer Suzette Doctolero.

"Finalist ang Maria Clara at Ibarra sa New York Fest! Huhuhu. Salamat po, Lord!!!!" sulat niya sa Instagram.

Tingnan ang post na ito sa Instagram

Isang post na ibinahagi ni Suzette Severo Doctolero (@suzidoctolero)

Kinikilala ng New York Festivals TV & Film Awards ang mga palabas na nagpapakita ng inobasyon at inspirasyon para sa susunod na henerasyon.

Igagawad ang mga parangal nito sa isang seremonya ngayong parating na April.

Samantala, ngayong April din magiging available sa streaming giant na Netlix ang Maria Clara at Ibarra.

Maaari ring mapanood ng buo at libre ang episodes ng Maria Clara at Ibarra sa GMANetwork.com/FullEpisodes.