Around GMA

Article Inside Page

Malayo na ang narating ng hit historical portal fantasy series na Maria Clara at Ibarra.

Umabot na ito sa radar ng mga international content creators sa YouTube tulad ng dress historian na si Bernadette Banner.

Sa isang video kung saan tinalakay ang historical accuracy ng mga period movies at shows mula 2022 mula isa iba't ibang bansa, tumipon siya ng isang panel na magra-rank ng mga ito.

Kabilang ang Maria Clara at Ibarra sa mga palabas na napag usapan ng grupo at ang guest panelist na si Maria Maranan na nagpakilala bilang history student mula sa Pilipinas ang tumalakay sa historical accuracy ng mga costumes ng serye.

"I think the designs overall are pretty good. They are wearing trajes de mestizas which was the usual dress of a native woman at that time and place--in lowland, Christianized parts of the Philippines during the Spanish colonial era," panimula niya.

Ipinaliwanag din niya ang bahagi ng traje de mestiza na makikitang suot ni Maria Clara (Julie Anne San Jose).

"The trajes de mestizas has four components--the baro or the blouse, the saya or the skirt, the tapis or the overskirt, and the panuelo which is the triangular shawl," aniya.

Ayon kay maranan, naipakita rin sa Maria Clara at Ibarra ang usong estilo ng pagsusuot ng panuelo noong late 19th century.

"Their panuelos were very high which was very popular at that time. They actually achieved that by using cornstarch and starching their dress to make it seem very stiff and regal," lahad niya.

Bukod dito, nakatulong din daw ang ilang pang maliliit na detalye para mas mabigyang-buhay ang mga karakter ng serye.

"The material of their blouses is a nipis fabric--probably piña which is a Philippine textile made from pineapples so it was very expensive. Maria Clara is from a wealthy family so it shows her character as well," bahagi ni Maranan.

Pinuri rin niya ang pagsasaliksik ng team na nasa likod ng show.

"I definitely know that the people in this show really did their research and had fun with it and were really excited to share all of the cool things about the dress during this time," sambit niya.

"I give it the rating 'It gets the job done.' Very good," dagdag pa ni Maranan.

Ang "it gets the job done" ay ang ranking na pangalawa sa pinakamataas.

Ginamit ni Maranan bilang reference sa kanyang ranking ang mga aklat na "Clothing the Colony: Nineteenth-century Philippine Sartorial Culture, 1820-1896" ni Stephanie Coo at "Fashionable Filipinas: An evolution of the Philippine national dress in photographs 1860-1960" nina Gino Gonzales at Mark Lewis Higgins. Matatandaang isa sa consultants ng programa si Gonzales.

Panoorin ang ranking nina Banner at ng kanyang guest panel sa Maria Clara at Ibarra dito.

Silipin naman ang paghahanda ng mga stylists ng Maria Clara at Ibarra para sa costumes at accessories ng mga karakter sa serye sa exclusive featurette na ito:

Patuloy na tutukan ang Maria Clara at Ibarra, Lunes hanggang Biyernes, 8:00 p.m. sa GMA Telebabad.

Maaari ring mapanood nang buo at libre ang episodes ng Maria Clara at Ibarra sa GMANetwork.com/FullEpisodes.

Mapapanood naman ang livestream nito sa GMANetwork.com/KapusoStream at sa GMA Network app.

SAMANTALA, NARITO ANG ISANG EXCLUSIVE SNEAK PEEK SA BAGONG YUGTO NG MARIA CLARA AT IBARRA: