Marian Rivera at Chanty Videla, binuhay ang iconic na sayaw sa 'Marimar'
Around GMA
Around GMA
4 katao na sakay ng MPV, patay matapos mabangga ng trailer truck sa Isabela GMA Pinoy TV Champions Global Filipino Entrepreneurship at the 18th PHILSME Expo Itayo ang bandera ng mga Uragon! | Farm To TableArticle Inside Page
Showbiz News
Panoorin dito ang pagsayaw nina Marian Rivera at Chanty Videla sa iconi na sayaw sa 'Marimar.'
Nagpakitang-gilas ng classic moves sina Kapuso Primetime Queen Marian Rivera at Chanty Videla sa Stars on the Floor 2026 noong Linggo, March 22.
Sa naturang episode, sinabayan ni Marian si Chanty sa pagsubok ng iconic na sayaw niya noong Marimar days, matapos niyang mapansin ang pagkakahawig ni Chanty kay Marimar sa kanyang samba performance kasama si Alamat Jao.
Pinatunayan ni Marian Rivera na wala pa rin siyang kupas sa pagsayaw ng Marimar, at nasabayan naman ni Chanty ito habang kinikilig sa kanilang performance.
Umani rin ng papuri si Chanty mula kay Marian, na nagsabing, “Chanty, malay mo ikaw na ang next Marimar!”
Ipinalabas at sumikat ang serye ni Marian Rivera kasama ang Kapuso Primetime King Dingdong Dantes na Marimar noong 2007 hanggang 2008 sa GMA.
Patuloy na tutukan ang high-energy performances sa Stars on the Floor 2026 tuwing Linggo, 7:15 p.m. sa GMA, Kapuso Stream, at GMA Pinoy TV.
RELATED GALLERY: The looks of Marian Rivera that prove her beauty is timeless
