Around GMA

Article Inside Page

Inilabas na ng Philippine Movie Press Club, o PMPC, ang partial list ng winners sa 40th PMPC Star Awards noong Biyernes (July 12) bago ang gaganapin na Gabi ng Parangal sa darating na July 21.

Kabilang sa mga nagwagi ay ang ilang Kapuso at Sparkle stars. Pinarangalan sina Kapuso Primetime King and Queen Dingdong Dantes at Marian Rivera bilang Takilya King and Queen para sa kanilang pelikulang Rewind, na highest-grossing Philippine film of all time.

Wagi rin ang Asia's Multimedia Star na si Alden Richards na itinanghal bilang Movie Love Team of the Year kasama ang aktres na si Julia Montes para sa kanilang pelikulang Five Breakups and a Romance.

Kinilala si Voltes V: Legacy star Ysabel Ortega bilang New Movie Actress of the Year at Movie Child Performer of the Year naman ang Sparkle child star na si Euwenn Mikaell para sa 2023 MMFF Best Picture na Firefly.

Samantala, pinangaralan si Neil Daza ng Team Firefly bilang Movie Cinematographer of the Year.

Nanalo naman ang Sparkle actor na si Dustin Yu ng New Movie Actor of the Year award para sa pelikulang Shake, Rattle, and Roll: Extreme (“Rage” episode).

Kinilala naman ang batikang aktres na si Gladys Reyes bilang Movie Supporting Actress of the Year para sa comedy film na Here Comes The Groom.

Iaanunsyo ang iba pang winners sa major categories sa Gabi ng Parangal sa July 21 sa Henry Lee Irwin Theater ng Ateneo De Manila University sa Quezon City.