Around GMA

Unang Hirit Livestream: December 15, 2025
Visually impaired soldier promoted from captain to major

Article Inside Page

Showbiz News

Bakit kakaiba ang kislap ng mga mata ni Marian habang pinagmamasdang sumayaw ang star ng 'Niño'?
By SAMANTHA PORTILLO



Ibang klaseng kasiyahan ang dinala ng biggest primetime dance party noong Sabado dahil nakisayaw kay Primetime Queen Marian Rivera ang ilang Kapuso teen love teams.

Naka-bonding din ng Primetime Queen si Ms. Lucy Torres-Gomez.
At may dating ka-love team si Marian na bumisita sa set.

Nagsimula ang selebrasyon sa isang ‘90s-inspired opening number. Naka-denim at white si Marian na sumayaw sa kanta ni Britney Spears.

Si Julie Anne San Jose naman, nag-ala-Taylor Swift sa kanyang rendition ng “Shake it Off.” Nakasama rin niya sa stage ang naggagandahang mga kandidata ng Miss World Philippines 2014.

Pagkatapos nito, nagpakitang-gilas ang talentadong World Hip-Hop Champion sa Mega Crew Division na A-Team.

Kinuwentuhan ni guest judge Ms. Lucy Torres-Gomez si Marian tungkol sa kanyang wedding experiences at nagbigay siya ng marriage at love advice kay Marian.

Para sa Celebrity Showdance segment, naglaban ang tandem nina Bianca Umali at Miguel Tanfelix at ang duo ni Barbie Forteza at Julian Trono.

May kakaibang kislap sa mga mata ni Marian habang sumasayaw ang Kapuso teens. Ibinuko ng co-host niyang si Christian Bautista na crush
pala ng Primetime Queen si Miguel Tanfelix. Inamin naman ito ni Marian.

Kaya tuwang-tuwa si Marian nang sina Miguel at Bianca ang idineklarang winners ni Miss Lucy. Napayakap pa siya sa cute na cute na teen actor.

May surprise guest naman na bumisita sa set. Ito ay walang iba kundi ang leading man ni Marian sa Carmela na si Alden Richards. Ngayon ay host na rin si Alden ng Bet ng Bayan.

Itinuro ni Marian ang dance step of the week na “Thump Thumping.”

Nakisayaw lahat ng guests, pati na si Alden. Hanggang sa closing ay kilig na kilig pa rin si Marian kay Miguel.