Around GMA

Article Inside Page

All set na ang ilang Sparkle at Kapuso stars para sa Holy Week at kabilang d'yan sina My Guardian Alien stars Marian Rivera, Max Collins, at Gabby Eigenmann.

Bukod sa time for reflection tuwing Semana Santa, panahon din ito upang makasama ang pamilya at magkaroon ng quality time.

Ayon sa “Chika Minute” report ni Aubrey Carampel para sa 24 Oras, sina Kapuso Primetime King and Queen Dingdong Dantes at Marian Rivera ay kukunin ang pagkakataong ito upang ipasyal ang kanilang mga anak na sina Zia at Sixto.

“Igagala namin sa mga hindi namin napupuntahan, mga zoo, mga gano'n. Kaya excited din kami, at least makapahinga kahit kaunti,” kuwento niya.

Ang Kapuso actress na si Max Collins naman ay nagbakasyon sa Boracay Island at nakatakda rin siyang pumunta sa United States.

Aniya, “Just to bond, to have family time. And then after that, Skye will be staying with Pancho, and then I will go to the States to see friends and family.”

Samantala, tradisyon na raw ng pamilya ng batikang aktor na si Gabby Eigenmann ang mag-travel tuwing Semana Santa, ngunit ngayong taon ay sa bahay muna sila.

“Dahil sa mga nangyari the past few weeks, hindi kami nakapag-book, hindi kami nakapag-plano. Okay lang naman. There's always another time for [that]. Pero we made plans after Holy Week. So may plans kami umalis,” saad niya.

Ang My Guardian Alien ay pagbibidahan nina Marian Rivera at Gabby Concepcion kasama si Max Collins.

Kabilang din sa cast sina Gabby Eigenmann, Raphael Landicho, Kiray Celis, Arnold Reyes, Tanya Gomez, Caitlyn Stave, Josh Ford, Sean Lucas, Tart Carlos, Christian Antolin, Kirst Viray, kasama si Marissa Delgado.

Abangan ang world premiere ng My Guardian Alien simula April 1 sa GMA Prime.

BALIKAN ANG NAGANAP NA MEDIA CONFERENCE NG MY GUARDIAN ALIEN SA GALLERY NA ITO.