Around GMA

Article Inside Page

Saludo at proud ang Kapuso Primetime Queen na si Marian Rivera sa kaniyang asawa na si Dingdong Dantes dahil sa GMA Public Affairs documentary nitong pinamagatang Broken Roads, Broken Promises.

Sa Facebook page ng Kapuso Primetime Queen, ibinahagi niya na matapos panoorin ang nasabing docu ay hindi niya maalis sa kaniyang isip ang mga kapwa Pilipino na naapektuhan ng ghost projects.

“Iba talaga ang bigat kapag nakikita mo sila—mga pamilyang pinagkaitan ng ginhawa dahil sa mga ghost project na hindi natupad. Nakakadurog ng puso na malaman na dapat sana'y may tulong, may pag-asa… pero nauwi sa wala,” pagbabahagi niya.

Labis din ang pasasalamat ng Balota star sa naturang dokumentaryo na aniya'y isang “wake up call” para sa bawat Pilipino.

Dagdag pa niya, “And to my husband, salute to you. Thank you for using your voice so others can finally be heard.”

Sa hiwalay na post, nagpasalamat ang Kapuso Primetime King sa mga tumutok nitong Sabado sa Broken Roads, Broken Promises documentary.

Thankful din ang aktor-host sa GMA Public Affairs dahil sa oportunidad at tiwala na ibinigay sa kanya.

“Telling these stories changed the way I see our people, our struggles, and our strength. I'm sharing my reflections here—hoping they help deepen the understanding and urgency these issues deserve. Thank you, GMA Public Affairs, for the trust and the opportunity,” sulat niya sa caption.

View this post on Instagram

A post shared by Dingdong Dantes (@dongdantes)

RELATED GALLERY: Dingdong Dantes appreciates Marian Rivera's selfless love on Mother's
Day