Maricar Reyes, 'excited at may kaba' sa unang major project sa GMA na 'Whispers From Heaven'
Around GMA
Around GMA
NUP: No talks with Sandro Marcos, Bojie Dy on Sara Duterte impeachment Rocco Nacino and Melissa Gohing welcome second baby GTV airs the NCAA Season 101 Cheerleading Competition this ThursdayArticle Inside Page
Showbiz News
Bukod sa debut series sa GMA, excited na rin si Maricar Reyes na muling makatrabaho sina Bea Alonzo at Tom Rodriguez. Basahin dito.
Puno ng excitement ang aktres na si Maricar Reyes para sa kauna-unahan niyang show sa GMA, ang political thriller series na Whispers From Heaven.
Sa exclusive interview ng GMANetwork.com, ipinarating ni Maricar na bukod sa excitement ay nakararamdam din siya ng kaba dahil matagal-tagal na rin nang magkaroon siya ng major role sa isang teleserye.
"Siyempre na-e-excite and medyo may kaunting kaba because it's been a while since I was part of a teleserye. I think my last major role was almost 10 years ago. Siyempre may kaunting learning curve pero very supportive naman lahat, so I'm sure there won't be any problem," sabi ng aktres.
Noong March 6, ni-reveal na ang lead cast para sa pinakabagong aabangan serye ng GMA, kung saan makakasama ni Maricar sina Bea Alonzo, Tom Rodriguez, Jason Abalos, Jake Macapagal, at Cassy Legaspi.
Ayon kay Maricar, excited na rin siyang muling makatrabaho sina Bea at Tom.
"Always exciting to work with them. I worked with them before, both of them, and they're both very professional.
"Si Tom very light kasama. Si Bea, also, I look up to her as an artist, very professional siya," dagdag niya.
Nang tanungin kung ano ang aabangan ng manonood sa upcoming series, sagot niya, "It's a very timely topic and sana maraming matututunan 'yung manonood."
Abangan si Maricar Reyes sa Whispers From Heaven soon sa GMA.
TINGNAN ANG NAGANAP NA STORY CONFERENCE NG 'WHISPERS FROM HEAVEN' SA GALLERY NA ITO:
