Around GMA

Article Inside Page

Sinagot ng Kapuso singer na si Mark Bautista ang tanong sa kanya ng “King of Talk” na si Boy Abunda tungkol sa pag-ibig.

Sa pagbisita ni Mark sa programang Fast Talk with Boy Abunda, sumalang siya sa “Fast Talk” segment kung saan tinanong siya kung mayroon ba siyang nililigawan na artista.

"Dine-date,” sagot niya.

Dagdag naman na tanong ng seasoned TV host ay kung mayroon bang nagpapatibok ng puso ng mang-aawit.

"Yeah, marami. But kung espesyal, meron, Tito Boy. And my heart is in the right place," aniya.

Ayon pa kay Mark, dumating na lamang sa kanyang buhay ang taong nagpapatibok ng kanyang puso.

"I think dumating. And I think na-feel ko na parang, 'Ay shocks, ito 'yung taong komportable ako... I can be myself," pagbabahagi niya.

Inamin din ni Mark na nagkaroon ng panahon kung saan siya'y nawalan ng paniniwala sa pag-ibig.

"Yeah kasi matagal din, Tito Boy. Matagal akong parang napo-frustrate dahil parang feeling ko, 'Ako ba 'yung may problema?' Parang gano'n. Masyado akong choosy ba? or masyado ba akong hindi na marunong magmahal ba?" kwento niya.

Related gallery: Surprising Celebrity Ex-Couples You Didn't Know About

Samantala, kabilang si Mark sa judges ng Veiled Musicians Philippines, kasama sina Julie Anne San Jose, Rita Daniela, at Tiffany Young ng Girls' Generation, na guest judge.