Mark Mugen, Lara Liwanag say competing with Manny Pacquiao in 'Physical: Asia' feels surreal
Around GMA
Around GMA
Dagan sa Panahon Sayran nato Karong Adlawa | Balitang Bisdak Jeepney driver, patay matapos barilin ng salaring nagkunwaring pasahero sa Antipolo City Michelle Dee celebrates the holidays with a designer bagArticle Inside Page
Showbiz News
Nagkuwento sina Mark Mugen at Lara Liwanag tungkol sa kanilang Team Captain sa 'Physical: Asia' na si Manny Pacquiao.
Inilarawan ng MMA champion na si Mark Mugen at CrossFit champion na si Lara Liwanag ang kanilang naging team captain sa Physical: Asia na si Manny Pacquiao.
Sa kanilang guesting appearance sa Fast Talk with Boy Abunda, sabay na nagkuwento sina Mark at Lara tungkol sa tinaguriang Pinoy Boxing Champ.
Ayon kay Lara, hindi niya inaasahan noon na makakasama niya ang boxing legend sa naturang kompetisyon.
Pahayag niya, “Sobrang surreal on my end. Hindi ko rin in-expect na makakasama ko siya [Manny Pacquiao].”
“Parang 'yung idol ko nandiyan na sa tabi ko. Siya 'yung pinakasikat na nandoon na athlete,” pahabol niya.
Si Manny ang tumayong team captain ng powerteam ng Team Philippines.
“Amazing, he is the one and only Manny Pacquiao. Like what Lara said, it was surreal competing alongside him,” pagbabahagi ni Mark tungkol sa People's Champ.
Ikinuwento rin ni Mark na nakatanggap sila ng tips mula kay Manny.
Sabi niya, “I remember one time in between shoots, we were sitting on the side waiting for our turn. He was just giving us tips on eating bananas for potassium and sharing the importance of being hydrated.”
Samantala, nakasama rin nina Mark Mugen, Lara Liwanag, at Manny Pacquiao sa Physical: Asia ang rugby player na si Justin Coveney, strongman na si Ray Jefferson Querubin, at Olympic athlete na si Robin Lauren Brown.
