Mark Rivera, inilarawan bilang "rainbow" ang 'Unbreak My Heart'
Around GMA
Around GMA
Gabbi Garcia, Khalil Ramos to star in Ben&Ben’s ‘Duyan’ MV P44M alleged smuggled cigarettes seized off Davao de Oro NLEX to increase toll fees starting January 20Article Inside Page
Showbiz News
Naging emosyunal si Mark Rivera nang alalahanin niya ang mga pinagdaanan noong panahon ng pandemya.
Maluha-luhang isinalaysay ng Unbreak My Heart actor na si Mark Rivera ang mga pinagdaanan niya noong kasagsagan ng pandemic.
Noong panahong ito kasi ay malayo si Mark sa kanyang pamilya na nakatira sa Italy. Nagsunud-sunod din ang mga 'di inaasahang pangyayari sa mga kamag-anak niya rito sa Pilipinas, lalo na patungkol sa kanilang kalusugan.
Dahil dito, sabi ng 24-year-old actor, matinding anxiety ang naranasan niya noong pandemic.
“Sobra, because I was the one to take care of my grandmother here in the Philippines. I was the one to do the groceries for my relatives… It was very hard. Kahit na I wanted to be there [in Italy], but I couldn't leave my relatives here. Ang hirap hatiin ang sarili,” sabi ni Mark sa isang intimate press conference na inihanda para sa kanya ng ALV Talent Management noong Martes, May 30.
Patuloy ng binatang aktor, “I was just being positive. I just want to be healthy and take care of my self--physically, mentally, and emotionally--para mabigay ko rin 'yung energy na kailangan nila, so I could support them emotionally kahit malayo ako. It was really hard.”
Dagdag pa niya, “There was so much pain. Back to back, ang daming nangyayari, 'tapos walang work, walang taping. So, I didn't know how to help my family, hospital bills were so expensive. I was really struggling.”
Kaya naman laking pasasalamat niya nang mapasama siya sa cast ng Unbreak My Heart, ang pinakamalaking collaboration ng GMA Network, ABS-CBN, at Viu.
Sa isang Instagram post, inilarawan ni Mark ang pagkakataong ito bilang “rainbow” pagkatapos ng pandemic.
Muli niya itong binanggit sa press conference. Aniya, “Unbreak My Heart is really the rainbow of this pandemic because it really gives me joy and hope about the future, about life. Kaya ayun, very grateful ako with what's happening in my life right now.”
Reunited with family
Ayon kay Mark, naging daan din ang Unbreak My Heart para muling makasama ang kanyang pamilya sa Milan, Italy, na naging location shoot din ng primetime series.
“Blessing in disguise din na I was there. Hindi nila naisip na I could be part of the Unbreak My Heart cast. Sulit ang punta ko,” sabi ng aktor.
Sabi pa niya, “Sobrang saya nila, siyempre, kasi nakita nila ang mga artista sa atin, may mga picture, natuwa naman sila. Kasi, minsan, hindi nila nare-realize na, 'Artista pala yung anak ko.' Noong nakita nila na kasama ko [yung mga artista] in person, 'Oo nga pala, artista nga pala yung anak ko.' Natuwa naman sila. Kaya I'm very happy about what's happening with my life.'
SAMANTALA, TINGNAN ANG MASAYANG TAPING NG UNBREAK MY HEART SA ITALY:
